[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.43【真正的戰役】

「點解！」Alan有十萬個不願意。

「冇得解！快啲！你一係行開翻去！我就快爆發！依家真係好有事！」我不能裝下去。

「唔得，我唔可以咁做！」Alan甚是焦急。

「啊啊啊啊啊⋯」我爆出了第一道紫氣。

「呀！」旁邊的Alan被我爆出的氣焰推開，彈到另外一邊。



「點⋯點啊你！巴打唔好嚇我！」我心急如焚。

「冇⋯冇事⋯未死得。」Alan還有力氣說話。

「你做乜搞成咁，上面慈雲山好猛料咩⋯你依家係人定係怪？」Alan接着問我，他也想知道一下吧。

「係怪你一早玩完翻鄉下啦，邊有空閒時間同我講嘢？」我說了笑。

「咁就好⋯至少我地唔會係敵人。」Alan也放下心頭大石。



「快啲，我地處境好危險，我嘅腦裏面有把一聽就知唔係好人嘅聲同我講過嘢。佢話，我唔應該存在，我嘅存在，就要令你地，即係我最着緊嘅人痛苦。我唔可以俾件事發生，同埋我更加唔相信，呢個世界係有唔可以存在嘅人出現。」我不知如何詳細說出，只選重點來講講。

「咁，慈雲山嗰邊搞掂？我地呢邊有冇消息幾時會受入侵？」Alan邊走邊提出重要的問題。

「大概兩個字之內。叫大家準備。」我認真了。

「你依家OK？我見你頭先真係好差下。」

「應該可以，紫氣狀態暫時幫我頂住咗所有嘢。」



「我地啱啱有兩位新成員加入，你要唔要見下？」

「好。」一個是司機大哥吧。那另外一個又是誰。

「但係，我要同你講咗先，你個樣唔可以出街。因為依家成個本陣都傳緊對你不利嘅消息。仲有幾位幹部同學都係受牽連，成個本陣嘅氣氛唔太和諧。」Alan道出了我最不想看見的事—內部分裂。

「咁我可以點？」我剛說完，他就拿出了一個面具。

「面具？點解係呢樣。」我疑惑。

「俾你遮一遮樣，如果唔係，我都會出事。」他說得有條不紊。

「又係，保住你呢個幹部先啦。」我仔細看那面具。

是晚會怪盜面具，跟我想像中的有些少落差。



不過，將就住先，遲早會有機會換一個。

「好啦，到啦。」Alan提醒。

「開始部署，守住呢度。」我趁時間說。

「壯丁，全體出現！女仔們全部退守本陣主營！緊急！根據線報，10分鐘內會有感染者大舉進攻！」Alan也發揮出他的組織和領導應力。我也很放心。

「咪住，我聽到有聲啦。盡快安排。」我只能苦笑。

「喏喀嘎--」細微的聲音傳來耳邊。

「你做指揮啦？」Alan問我。



「你做住先，有咩唔得先叫我。」

我也要他練習指揮，好等我日後不在時坐鎮。

「大家注意！好好觀察附近嘅感染者！搵幾個人去哨塔睇水！仲有其他空閒嘅壯丁一半留意彩雲方向嘅感染者！一半攞武器同裝備，跟我做防守！想有命等到香港回復正常，就好好地努力保衛家園！呢度有個高手，可以幫我地唔少，大家加油！」Alan果然不敢說出來。