[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.49【慢動作】

在場嘅戰鬥人員，佢地眼中都噙住淚水（可能係汗水？）。
我未讀得明大家嘅感受，同時亦都冇興趣去咁做。
只知道此刻我身上肩負住新任務—對感染者展開屠殺。
佢地對我施加嘅層層攻擊，都有喺我身上留低痕跡，我絕對冇辦法去原諒。

就好似《半沢直樹》主角嘅格言咁，我一定會十倍奉還。
寒風呼呼，天空依然被黑暗包圍，烏雲並冇俾風吹走，反而係癡咗AA膠咁停留於我地附近以及所見嘅範圍。
唔知，香港係唔係已經成為終日黑暗嘅城市？
香港人冇得翻工，一定好痛苦。



佢地會唔會接受呢個扭曲咗嘅地方？
仲有冇曙光，仲有冇希望？
天空忽然出現裂縫，中間透出些少嘅光。
「個天反應得真係快。」我一笑，讀懂了老天給我的答案，終於不是充斥着不肯定的回答了。

「曙光就俾咗你啦，希望就要靠你爭取。」天空傳出「神」的聲音。
「你係邊個。」我嘗試找尋這聲音的主人，但他很刻意地去隱藏自己。
「⋯天機啊⋯」他頓了幾秒，而後換了一口無奈的腔調。
我冇時間去重回溝通之中，無論點問，都冇可能會答得出我心中嘅答案。



因為我嘅推測，根本唔可能命中。
我稍稍思考過後，就繼續行動，實行繞後政策。
我戴上了黑手黨手套。
行動模式將在下一秒開啟。

【認真起來的我，無懈可擊⋯吧。】
「咻噠—」我從高處跳往地面，落地一下其實也起不了太大動靜。
我亮起一手軍刀，一手棒球棍，係我最鍾意嘅武器配搭。
「啪噼—」我一棍不留情地打中感染者。



「嘎喏—」感染者沒有再被一棍擊中而倒下。
「唰咔—安息。」我一刀鋒刺向感染者的頭殼。
「22⋯16」從感染者的口中，跑出了一句數字。
「吓？你講乜⋯」我被突如其來的數字弄得不知所措。

「⋯」該死的，斷氣了。
點解次次都會喺唔適當嘅時間聽到啲奇怪嘢？
個腦開始出現大量數據去分析。
呢四個數字會係電話號碼？定係⋯純粹係我聽錯？

正當我想再深入思考，旁邊嘅感染者又再次蠢蠢欲動。
「嘎喏咕嗚—」它很用力地左右抓空氣，是不是肚子餓了？
「嗚呼—」右面突然殺出一個程咬金，向我撕咬。
幸好我提早察覺，向上一躍，如果唔係又要再硬食一下。



真係中咗，咁真係神仙都救唔翻。
是但咬中血管都已經夠金，咬中大動脈就壽終正寢。
「咦？？」我感覺怪怪的。
我對腳無端端同我講，「你堅離地啊喂—」。

望下腳底，我真係踏空而行。
氣場比起頭先更盛。
感染者唔知係唔係都感知到我嘅存在，有一刻竟然全場停低咗。
身邊嘅戰友，都呆到一陣陣咁，對我飛天呢件事好驚訝。

「做乜啊，唔使咁驚青喎，自己友自己友。」我只好開口澄清。
「係咩—」怎麼把話說得這麼慢啊。
我再作進一步嘅觀察，發覺連感染者都進入慢動作狀態。
放眼望向附近嘅綠林，樹葉依然喺度輕拂。