鏡頭一轉,返到黎而家

上次提到我同Claudia係山頂到談天說地,我就分享我同Winnie既點點滴滴比佢,而Claudia就樂於聆聽。


呢個時候,我地個wtsapp同時響起。

原來又係我地O Camp個wtsapp群有新訊息。

Oscar:「嗱今年既組仔組女名單同時間地點已經confirm左。唔該各組既組爸組媽麻煩跟住張list聯絡返各自既組仔組女,叫佢地戈日一定要準時到。同埋叫佢地帶齊返所需要既野。」



時間:8月10日 8:00---8月11日 1:00
地點:HKU
NOTED:記得大家要著輕便既衫褲

我地所有組都講左ok之後。我就開左一個屬於我地既O Camp Group《比卡超與多啦A夢》隊啦,再加返Claudia同埋所有組仔組女落去。

「嗱你就負責聯絡d組仔,我就負責聯絡d組女。」Claudia就同我講。

「你驚我做獸父啊?」我問。 



「都唔係既,始終女仔同女仔玩個效果會好d。不過如果你係獸父,咁我咪做慈母balance返攞!」Claudia話。

「咁今晚就打比佢地,之後約佢地出黎。」我話。

「好!」Claudia話。

「不過我要夜晚放工之後先得。」我話。

「放工?你返咩工啊?」Claudia話。



「都係d文員仔姐」我話。

「都幾好啊,起碼有人工啊!!」Claudia話。

無啦啦我電話又響,原來又係妹妹打比我......唔使諗一定係催我食飯啦! 

「妹妹,咩事啊?」

「阿哥啊,媽咪叫你返去食飯啦。」

「好啦!我轉頭返架啦!」

我收左線,Claudia就問我咩事。我就話妹妹叫我返去食飯。



「嘩乜原來咁晏架啦!我都要返去食飯啦!車埋我返去啦!」Claudia望下個錶。

我地兩個一齊揸車返去.......原路落返山。 

我一邊揸車,Claudia好似諗緊野,見佢諗到好投入,我就唔打擾佢專心揸車啦。

「Aaron啊!」Claudia突然叫我。

「咩啊?」我話。

「呢架車係咪叫咩RA-R啊?」Claudia問我。

「你又識既?又知呢架叫RA-R。」我驚奇咁問。

「冇啊,之前上網見過有呢款車STI,又分普通版,S204同RAR。同埋呢款車車頂有個小氣窗,同埋白色18吋鈴,又冇咩隔音。同普通STI唔同。所以我就大膽假設呢架就係RA-R啦!」Claudia就好似汽車專家咁講,搞到我有啲意外。



「你屋企開車行架?」我打趣咁問Claudia。

「唔話比你知,等你心思思。不過下次有機會借黎冷下!」Claudia話。

「好!」我話。

臨返到屋企門口前,我就打比我爹地問佢係唔係將架車泊返屋企,因為我張泊車卡未改返車牌Number 。

「喂!爹地啊我架車係咪泊出面停車場啊?」

「唔使泊出街,你照泊返屋企個車位啦!我已經同個保安講左啦!用返你個舊車牌啊!」

於是我同Claudia一齊將架車泊返去我個車位到



「喂原來呢兩個位係你泊架?」Claudia問我。

「係啊,做咩啊?」我問。

「我爹地媽咪架車泊你地對面架。」Claudia指住斜對面架白色豐田Prado四驅車同白色全原裝富士GC8個位。

豐田Prado:



白色GC8:






「嘩,架車好靚喎!」我話。

「你嗰架都唔係好差姐————」Claudia揶揄我。

「你都幾識講嘢。」我串返Claudia。

「你仲講吖嗱,落車啦!幫手拎野呀唔該。」Claudia話。

我於是幫Claudia落車拎野,不過佢都幾多嘢拎。我諗女人係天生購物狂係冇錯㗎啦。但好彩我冇打開RA-R啲車尾箱,如果唔係整污糟咗人哋啲嘢就唔好啦。點解?因為呢架車除咗要用鎖匙開車尾箱之外,為咗偷輕連隔音棉、地氈都欠奉。話就話頭輕姐,始終覺得呢啲車裝返上去好睇啲嘅,遲啲叫沙皮狗幫我上網別Bid下有冇GDB既隔音棉地氈,裝飾一下個車尾箱。

「幫你拎埋上你屋企啊。」我話。

「好啦咁!今日真係多謝晒你呀!」Claudia話。

我哋一齊搭lift上左Claudia嗰層,跟住佢就攞鎖匙開門。就一齊入咗佢屋企。

諗住就係擺低啲嘢就走啦,佢就叫我入埋黎。

入到去,雖然佢屋企比我屋企細得多﹝我係兩個單位打通,佢係一個細兩房單位﹞,但係有一種好溫暖既感覺,置身一個兒童樂園。

「原來你屋企都幾靚喎,感覺好warm同埋好似小朋友屋企咁。點解你屋企咁多公仔嘅?」我話。

「係呀不過好亂啊哈哈!呢隻係我朋友我送俾我架!係呢你屋企係點架?」Claudia話。

「大你小小咁啦,不過我屋企好多古董野。你未必會鍾意。同埋我屋企好亂架。」我話。

「咁呀下次一定要來你屋企搗亂下啦!」Claudia話。

「無任歡迎!好啦唔你講住啦!我夠鐘返屋企食飯呀。有咩今晚就係wtsapp到傾啦!」我話。

「拜拜!記得呀聯絡班組仔啊!」Claudia話。

「得啦!」我話。

我同Claudia告別左之後,搭lift落返我屋企。唔知點解一諗起Claudia成個人都會好興奮,不斷咁偷笑。

我:「我返黎啦!」

爹哋:「阿仔你返黎啦!你媽咪知你今日第一日返工就煮左你最鐘意食既魚蝦蟹啊!」

妹妹:「係啊我都有份整架!」

媽媽:「阿仔你快啲幫手開飯啦!」

我:「知啦媽咪!」

我地整理好之後,就坐埋一齊食飯

今餐亦都係我地係新屋食既第一餐飯

爹哋:「阿仔今日係咪好suprise呢?」

我:「係咪你安排架?」

爹哋:「又唔係既!最緊要你做到野姐!」

媽咪:「阿仔你今日返工點啊?」

我:「幾好啊!原來Fred同我一齊返工!好多都係我既學長學姐!」

媽咪:「咪幾好!以後你地兩兄弟可以一齊拍拍住上!不過你好好珍惜呢個機會啊!機會唔係成日有㗎?You get it!」

爹哋:「架車點樣啊!OK嗎?」

我:「OK啦!幾好揸啊!比以前部車有力好多。」

爹哋:「好啦!架車我已經攪好晒手續㗎啦!陣間我陪你一齊落去換返個你個AL車牌,同埋你返學先用車啦。如果返工就唔好揸啦,因為嗰附近泊車都幾貴㗎。」

我:「知啦!我平時都係諗住搭mtr返工算啦。費事晒油錢同泊車錢。」

媽咪:「好啦快啲食飯啊如果唔係凍晒啲餸啊!」

食完飯之後我就返咗入房,之後就開始打比班組仔。

打打下嘅途中,Claudia wtsapp我:「喂你打俾班組仔未啊?」

「啱啱食完飯依家開始打。」我話。

「你咁慢㗎,一早打晒啦!」Claudia話。

「你咁快嘅?」我話。

「我哋做嘢要講效率㗎嘛!快啲打啊!我全程會昅住你呀!」Claudia話。

「Yes Madam!」我話。

「喂講樣野比你聽啦!」Claudia話。

「咩事?」我問。

「原來呢我有個學妹係我地個team架,仲要係住我地樓上添!到時介紹比你識啦!」Claudia話。

「咁開心!邊個黎架?靚唔靚先?」我話。

「你咁快想食人地囉!不過佢已經名花有主所以你唔好諗啦!快啲打比班組仔啊!」Claudia話。

「知啦!」我話。

「你打完再話俾我聽啊!」Claudia話。

「OK!」我話。

我打完比班組仔之後,Oscar wtsapp我:「聯絡左俾你班組仔未啊?」

「我啱啱打完啦,諗住過兩日就佢哋出黎同埋講解下啲嘢!」我話。

「Good!要做一個負責任嘅組爸知道未!唔好成日掛住食啲組女啊!」Oscar話。

「我先唔會!我都唔係啲咁既人。」我話。

「哈哈!你同Claudia相處成點啊?」Oscar話。

「幾好呀我哋!」我話。

「咁就好啦!人哋係教育系女神嚟架!要好好咁對人哋嘅知唔知呀!」Claudia話。

「講左去邊啊?其實係咪你刻意安排先?」我話。

「哈哈俾你發現左。其實呢因為之前你嗰幾個friend一齊問我有冇得報O Camp組爸。不過最後得佢地四個報,但因為組媽嗰邊已經有五個女仔。於是佢哋就同我講話叫埋你一齊去做組爸囉。」Oscar話。

「你對我真係好嘅啫。」我話。

「客咩氣呀你幫我我幫你嘅啫!係呢你係咪搬左新屋啊?」Oscar話。

「係啊!而家會長期留係太古城住。」我話。

「咁你大圍間屋係咪賣左啦?」Oscar話。

「冇啊因為嗰到係我間祖屋黎,所以我過年過節先會返去住。」我話。

「Oh原來係咁。下次上黎你屋企打機先得。」Oscar話。

「Anytime啦!不過我呢排開始返工所以要夜晚或者星期六日先得。」我話。

「好啦!你返咩工啊?」Oscar話。

「我faculty vice-dean 間firm啊,今日先開始返。」我話。

「KC Lau啊!好野黎架喎!比心機!我要睇下你班好兄弟搞成點先,到時O Camp再傾。」Oscar話。

「好啦!到時見啦!唔好set啲淫game比我地玩啊!」我話。

「知啦!」Oscar話。

我同Oscar wtsapp完之後,就同爹地落左去停車場到換返我個AL車牌同放返新既牌簿、行車證、保險、同之前係100仔拆落嚟嘅車cam落GDB到。

見到換返係我熟悉既AL車牌, 有一種說不出的親切感。話時話2007年既車上返一個60年代既車牌都幾型棍。

「啊仔你架車正嘢啊!你好好愛惜佢啊!」爹地話。

「多謝你呀Daddy!」我話。

「那車就幫你換咗啦!快D好溝返條女啦!」爹地話。

「又講左去邊啊?」我話。

爹哋:「嗱阿仔你唔好怪爹哋長氣啊,你都成廿歲人架啦係時候要搵個女朋友架啦。講真嘉穎都走左咁耐啦你唔係諗住成世做王老五啊?係可能你而家可能覺得冇乜野,但當你過多幾年之後真係冇心機玩落去架啦!到時你一個人擔住支拐仗行路真係好淒涼架。」

「我知。。。。但係我真係放唔低Winnie啊!同埋我而家仲未搵到一個適合我既女仔。」我話。

唔知點解一講起Winnie,我突然間個心好唔舒服

「你一定搵到既,呢個世界咁大!趁你而家最後一年識返個女仔啦!到時你grad左出黎做野先識就難啦!你記唔記得大學生要做既五件事啊?」爹哋話。

「我都仲記得既,住HALL,讀書,拍拖,Part-time,同埋上莊啊嘛!」我話。

「嗱你其他四樣你就齊晒啦,只係差拍拖未做咋!加油啦我唔你休息啦!好啦整完就返上去瞓啦!」爹哋話。

我哋搞掂好晒之後就返咗上屋企。。。

我拎起部手機,原來係Claudia wtsapp我:「搞掂未啊親愛既組爸?」

「我搞掂啦親愛既組媽!」

「Good!你諗住約佢地去邊到啊?」

「冇啊!諗住係學校附近或者係市區啦。」

「不如旺角啦!我知最近行人專用區開左間Nana Cafe。聽講嗰到食野都幾平,就嗰間啦!」

「OK啊!就後日啦!我係個group到講聲先!」

我就係屬於我地個O Camp wtsapp group到打左後日既meeting,之後大家話OK

今日我覺得真係好莫名其妙,突然間faculty副院長KC叫我返工,之後突然間又比部RA-R我用,同埋我竟然會將我最唔開心既野話左比Claudia聽。

但係佢岩岩先受完情傷,唔好諗啦!或者我同Claudia只不過係朋友同拍擋咁解。同埋我真係未接受到新既戀情。
 
已有 0 人追稿