兩日後的早上.....

我就一早起身做下運動,之後就梳洗同換左件淺藍牛津長袖恤衫(摺袖),黑色西褲同啡色皮鞋,再拎埋個公事包就行得。

一入到lift,就見到一個同我差唔多高,好似陳法拉既女仔企左係我隔離。

個女仔長頭髮{染咗少少啡色},著住件無袖既灰色低胸背心,白色熱褲同白色NMD波鞋,而且身材好高挑同纖瘦。但係上圍冇Claudia咁豐滿。不過睇落都有32C,身高大約有170,而長腿有43吋。個樣超似泫雅。






唔知係咪Claudia講嗰個鄰居呢?

不過我淨係懷疑,冇採取到進一步既行動。萬一唔係嗰時我咪好撚柒。

之後我地就出左lift,然後自己去左坐地鐵返工。

返到firm,Fred即刻拉住我......「喂死仔尋日去左邊啊?」

我:「尋日同KC出左去做野,之後冇返黎啦。」



Fred:「你就威啦!一返工就跟住大老板周圍威!」

我:「我係去做野架!唔係去玩架!」
(我冇同佢講KC比左架車我,以免招搖)

我地傾傾下既同時,Cindy突然叫我,話副院長搵我

我行到入去.....見到副院長坐左係到



KC:「你返黎啦Aaron,嗱呢份呢就係表決《高鐵一地兩檢》法案,你幫我作份講稿出黎,lunch time前交比我,有咩唔明就問下其他同事啦!駁唔駁到政府就靠你啦!」

我睇過之後,好彩平時都有留意下d社會時事,所以都唔係好難作。經過一個鐘頭既努力,終於係lunch time前攪掂。

交完野比副院長,開頭我真係好驚比佢彈回頭,但係佢就然話我寫得幾好同貼切,叫我繼續努力。

之後我就出返去做其他野。

話咁快又到左lunch break。

一入Lift,見到Steven。原來佢係我公司樓上間會計師樓到返工。

咁擇日不如撞日,大家都冇飯腳,就約埋一齊食飯啦!見大家都有成兩個鐘Lunch Break,就走去䐁王到食飯。

之後我地兩個行到䐁王門口,好彩唔算太多人。所以我排左唔係好耐就入左去。




我叫咗個赤王,Steven就叫左個黑王

雖然好貴,不過都幾好食。我地邊食邊吹水,由於我地兩個平時太熟既關係,所以我地兩個講野都會粗口爛舌,唔需要客氣。

Steven:「喂你係咪搬左去太古城啊。」

我:「係啊!住正你對面啊!」﹝對面既意思即係康怡花園﹞

Steven:「岩啦!喂你真係決定唔買部露筍做SUBARU撚啊?」

我:「係啊!」

Steven:「咁睇岩左車未啊?」



我:「車我都買埋啦!前日同我爹地攞左車,係白色RA-R。過戶手續全部攪掂晒。」

Steven:「屌你條仆街仔,幾錢啊?」

我:「唔係好多姐,15蚊。平撚過你部EVO 8成5蚊雞。」﹝蚊即係10000﹞

Steven:「大佬我嗰部有改裝㗎,淨係改裝料都成20幾萬啊!你嗰部掃把佬一定係全原裝㗎啦!」

我:「係呀!不過我都唔諗住大改!都係平時用嚟代步用就算!或者少少野就算!」

Steven:「都啱嘅見你以前嗰部100仔都冇改,只係換咗條鈴。大改好似唔啱你嘅Freestyle!」

我:「基本上原裝包圍已經好靚㗎啦!只係換返套鈴同改少少野就算啦!你估個個好似你咁MK咩?」



Steven:「係嘅係嘅!你O Camp嗰度搞成點啊?」

我:「今晚約佢哋出嚟囉。係呢你嗰組呢?」

Steven:「我約咗佢哋出嚟啦,好彩大家都傾得埋。啲組女真係會當我好似老豆咁拜。係喎你個Claudia點樣啊?聽講佢好似都係住你嗰頭喎,你仲唔係近水流台?」

我:「咩我個Claudia啊?我地只係parter黎咋!況且人地已經有男朋友架!」(我冇同Steven講我同Claudia住埋同一座大廈,:「如果唔係既話我真係PK啦!)

Steven:「你個死仔唔好同我講你對人冇意思啊!嗰日明明見到你兩個係到打情罵俏!仲傾得好開心喎!不過你地真係好襯。」

我:「hey你眼花姐。你個Kary又點啊?」

Steven:「唉!佢真係好MK囉。個日仲要著住件露臍背心同熱褲係咁show佢條事業線同長腿。搞到我地個個隻眼都凸左出黎。」

我:「咪幾好囉益左你!」



Steven:「最弊就係佢唔彩我,淨係係到姣d組仔,好似成阿媽掛住湊仔,唔理個老公咁。」

我:「咁你咪好瘀?」

Steven:「都幾架,搞到我冇晒地位咁。」

我:「要諗諗計喎。如果組爸係team到冇地位都幾大獲喎。」

突然間我電話響,原來係Claudia打比我

Steven見到,佢就話:「你個Claudia打比你啊?」

我:「多事啦你!」

我就行出街到聽電話,費事Steven又八掛

我:「喂Claudia搵我咩事啊?」

Claudia:「Hi Aaron! 你做緊咩啊?」

我:「我同Steven食緊飯啊。你呢?」

Claudia:「我湊緊我表弟表妹啊。你食咩啊?」

我:「䐁王啊我食緊。你今晚諗住幾點去啊?」

Claudia:「嘩你都幾有錢喎食䐁王?我應該由屋企直接去啊。同埋要等埋我學妹一齊出。」

我:「咁你不如等埋我,因為我要返屋企放低啲嘢先出得,之後大家就一齊出啦。」

Claudia:「咁好啦!返到去就wtsapp我啦!」

我:「好啦!今晚再講啦。」

Claudia:「返工唔好蛇王啊知唔知?」

我:「知道啦!我估我係你咩?」

Claudia:「訓覺啦你!你夠膽再講多次?」

我:「好啊蛇王妹蛇王妹蛇王妹........」

Claudia:「你今晚就知死!!好啦唔同你講啦!拜拜囉喎蛇王仔!」

我:「拜拜啦蛇王妹。」

我就cut左線,Steven拍我膊頭:「死仔你仲唔係同人打情罵俏?」

我:「緊係唔係啦!我地傾公事咋嗎。」

Steven:「你地兩個曖昧就曖昧啦!好啦唔同你玩啦!快d鎊水啊!要返工架!」

我:「得啦!而家科水比你!」

我地比完錢,之後就行返力寶中心。

Steven:「喂死仔有留意你一樣野好耐!」

我:「有嘢你就講啦!」

Steven:「你呢幾日好似開朗左好多咁喎!」

我:「係咩?」

Steven:「你係咪終於放得低Winnie啊?」

我:「唔知呢。咁做人始終條向前望架嘛!唔可以一直活在過去架!」

我哋下傾下傾下終於返到公司

好在KC今日淨係叫我做《高鐵一地兩檢》法案,所以下晝都係做下d濕碎野就準時放工。

一出公司門口,Claudia就wtsapp我

Claudia:「喂放工未啊?」

我:「岩岩放工啊,你又知我放幾點既?」

Claudia:「估下咋喎,但竟然比我估中咗喎哈哈?我係咪好叻呢?」

我:「係啦知你勁啦!我而家搭地鐵返黎啦,半個鐘頭後停車場到等啦。」

Claudia:「好啦你返到黎就call我啦。」

我:「ok,我入閘啦。陣間見啦!」

放工時間既地鐵,簡直係一個人間煉獄....... 你需要有一個獨特嘅搭地鐵技巧先可以順利上到車



結果最後我用左15分鐘嘅時間由金鐘搭地鐵去太古站

我一返到屋企樓下,媽咪就whatsapp我:「 阿仔我今晚同你爸爸同妹妹出去食飯你自己搞掂。」

算啦,反正我今晚約咗Claudia同班組仔組女食飯

我就返咗停車場到攞返我架掃把佬,拎出車匙,解鎖架車。當然首先開下冷氣先,好彩RA-R冷氣夠凍,如果冇冷氣嘅話我即刻劏左佢。

之後就whatsapp Claudia⋯⋯⋯

我:「我到咗停車場啦喎你係邊度啊?」

Claudia:「我咪就係你面前囉傻佬,你既兩點鐘方向啊。」

於是我就望自己嘅兩點鐘方向,就見到Claudia同個女仔傾緊計

個女仔睇落好似好熟口面咁

於是我再望多兩眼啦,原來係我今朝見過嗰個女仔

真係估唔到原來就係Claudia講既鄰居同學妹黎

而Claudia今日就著住件淺藍色T,黑色迷你裙,粉紅色NB波鞋同揹住個黑色anello書包,真係好有一種乖乖鄰家女孩既feel,同佢個學妹真係好唔同。


於是我就叫佢哋兩個上車

Claudia坐副駕駛座,而佢個學妹就坐後座

跟住Claudia就對住我哋互相介紹:「呢個係Aaron,呢個係Miki啊。」

我:「Hello Miki,我係Aaron啊。」

Miki:「Hello,咦你好熟口面喎!我哋係咪今朝搭lift見過架啦?」

我:「係啊,原來就係你啦哈哈!」

Miki:「不過你今日都著到成個Business Man既,以為你已經出黎做野添。」

我:「唔係,我year 4架。其實我都唔係好老姐。」

Claudia:「Miki你有所不知架啦,人地係讀Law架,係高材生嚟架。」

Miki:「嘩乜原來你咁勁架。」

我:「其實彼此彼此啦,兩位未來既美女教師。」

Claudia:「算你識講嘢啦!請問我哋仲有幾耐會到呢?」

我:「我哋而家係告士打道,之後轉入紅隧就會到紅磡同油麻地。仲有15分鐘就到旺角啦。」

Miki:「旺角嗰頭會有車位泊咩?平時啲咪錶位都唔會有位啦。」

我:「我諗住泊langham個停車場呀。呢個鐘數應該唔會話太難搵位。」

Claudia:「乜原來langham有停車場架咩,我去過咁多次真係唔知喎。」

Miki:「我哋又唔係成日揸車,唔知係好正常嘅。」

我:「你見識少姐,上網留意吓就會知架啦。」

Claudia又拍我個頭:「梁智勇你係今晚係咪想死呀?」

我:「林雅晴你咪即管放馬過嚟囉!我唔驚你嘅!!」

Miki就係到做和事佬:「好啦好啦你地兩個咪玩啦!注意交通安全啊!如果出咗交通意外就唔好啦。等陣間你哋玩game嘅時候再慢慢嘈啦。原來你叫阿勇啊,我中文名叫謝婉婷啊,叫我Miki或者婷婷都得架!」

我:「咁我叫返你Miki啦,都係你識大體,學下野啦林雅晴!」

Claudia:「返到太古城再慢慢同你計數。」

我哋一路揸車一路鬥嘴,原來我哋已經到咗langham個停車場。



泊咗車之後,我哋就行到去行人專用區間Nana Cafe.....

一行到入去,就見到我哋嘅組仔組女已經全部到齊,竟然係我哋最遲先到。
 
已有 0 人追稿