由O Camp組爸組媽變左做真正既夫妻: Chapter 13
日間嘅遊戲完成左之後，天色開始逐漸灰暗
我哋就返返去我哋開始嘅地方--SU前地
Oscar同Alice：「好啦今日日間嘅游戲係影全部完成啦，我哋要去龍虎山到玩我哋另一個game --- 對戰。不過係出發之前我哋又會玩另一個game！就係夜行啦！不過呢大家要返去換好裝備同著拖鞋啊！因為我地會玩水架！」
於是我地就返去換衫，著返對拖鞋。
我於是就換左條黑色Air Jordan籃球短褲，再著返對黃色Crocs拖鞋
之後出左門口見到Claudia都換左衫
佢換左條紫色Asics排球短褲，都係著黃色Crocs拖鞋。成條42吋長腿Show晒出黎，搞到我差少少想流鼻血，不敢直望！
Claudia好怕醜，面都紅埋咁講：「做咩咁樣望住人地喎？？？人地會怕醜架！！！」
我：「因為你真係好。。。。靚。」
Claudia：「哈哈我都知自己都幾有魅力既！不如我地落去先啦！佢地落晒去啦！」
我地兩個就去返SU前個門口，見到佢地已經係晒到。
估唔到我地兩個會係最遲，結果當然係被班仔女挪諭一番啦！
我同Claudia喺工作人員身上攞咗預先準備嘅眼罩，之後逐一派比班仔女
呢個遊戲就係要班仔女組成一直線，然後好似人形蜈蚣咁。除咗前面嗰個負責帶頭之外，其他人都要帶眼罩！我地唯一可以做嘅就係比指示頭嗰個。一直去到龍虎山為止。
我同Claudia商量過之後，決定派阿Will做我哋隊嘅隊長
至於佢哋點樣排隊，就全程交比佢地自由發揮
之後大家已經戴上眼罩，成一直線
Oscar：「好啦大家準備好未啊依家開始啊！」
之後我哋大家就開始行啦，開頭一直都係我哋領先
不過行吓行吓，見到少左幾個女仔。得返班男仔係到
Claudia：「喂好似少咗女仔喎？」
我再留意番原來後邊嗰啲女仔跟唔上
於是我就決定停低換人，等埋班女仔
我：「大家停一停先！大家不如一個男搭一個女啊！咁樣會平均好多架！」
最後決定：Will-Sandy-Quinton-Miki-Ray-Crystal-Gillbert-Jessica-Travis-Elise
換左個隊型之後，雖然冇之前咁快。不過比之前穩陣好多，所以我哋組係最早到嗰個。
到咗龍虎山.....就已經見到班莊員喺度
呢個時候我同Claudia指示阿Will佢地停低.......
不過Elise佢唔知係咪收唔到訊號，成個人炒落去阿Travis戈到，搞到痛到想死。
我同Claudia忍唔住笑咗出嚟......先叫其他人除晒眼罩。
跟住其他人就行開左，得Elise繼續責落阿Travis到，而且仲攪住佢唔放
雖然Travis比人宅低左，不過見佢有得食Elise波餅個樣都幾high
Claudia問我使唔使幫佢地兩個除眼罩
我向佢示意話唔好住，同大家做咗個安靜手勢，然後叫佢哋攞電話出嚟影低
最後我地先幫佢哋兩個除眼罩。。
Elise見到佢成個人攬住Travis之後，塊面都紅晒
而Travis塊面亦都紅左，大家喺度互相追住黎打
最後又要我同Claudia出面調停
然後其他組都陸陸續續返咗嚟
Oscar：「好啦好啦最早到嘅隊伍就係（比卡超與多啦A夢隊），而呢最遲嗰隊就會有大懲罰架啦！」
而最後就係Donald同Stephy佢地嗰組輸，要大懲罰佢地。
不過Oscar同Alice話要押後處理，所以Donald同Stephy佢地都暫時冇事
Alice：「好啦大家都到齊啦嘛！我地要開始另一個Game－－－對戰啦WO－HO！係咪好興奮呢？？？大家換好晒裝備未啊？」
我地成班人都係到起哄。。。
Oscar：「我地第一個Game呢就係排球對戰啦！麻煩各組抽籤啦！」
我同Claudia於是上前抽籤。。。。不過由於我地得五組人玩既關係，所以我地組就自動晉級
而下一Round就係要對Wyllis同Charlene嗰組
唔知點解我好似有種不祥既預感，唔好以為Wyllis同Charlene平時個樣好正經，其實佢地一玩起上黎真係癲過我地全部人。
我同班仔女商量下啲對策睇下點樣。。。。。。
係呢五分鐘入面，Wyllis同Charlene一接到波就一味對我地強攻。
不過因為我地既後防夠穩陣，所以佢地係我地身上攞唔到分，全程打成平手
去到最後30秒，Charlene既一下扣殺搞到我接唔到個波
以為呢球肯定接唔到啦，好在有Claudia係我後面接到個波，然後一下扣殺將Wyllis同Charlene打到落花流水，最後我地以一分之差險勝
好在今次有Claudia做左我地組既幸運之神，我地先唔使輸
最後一Round就係要對住Johnny同Joey嗰組，不過我都知呢獲都凶多吉少啦。因為Johnny係男子籃球校隊隊長，而Joey亦都係女子排球校隊隊長。所以身位同技術都輸一大截。
呢個時候Claudia行埋黎拍一拍我。。。。
Claudia：「你冇野啊嘛？？？」
我：「冇野！」
Claudia：「係咪驚輸呢？」
我：「唔係啊！」
Claudia：「最緊要對自己同大家有信心啊！加油！要搏盡同無悔啊！」
聽Claudia咁講，我即刻回復返信心。因為我知道輸贏唔重要，最緊要就係盡左力同唔會後悔
開頭兩分鐘，由於Johnny同Joey佢地實力高我地一班，所以我地一直都被佢地㩒住黎打
不過係過程中我終於意識到佢地既弱點，所以我地好快追返上平手
去到最尾個10秒鐘，當我想用扣殺黎拍個波嗰陣Johnny突然間唔小心用手打落我鼻樑到，搞到我個鼻好痛同流血不止
結果呢個game因為我受傷而被Alice同Oscar宣佈腰斬。。。。。而我就被其他人抬到一邊休息
呢個時候Claudia行埋黎幫我止血，仲用好嬌嗲既話氣問我有冇事
我覺得呢一刻既Claudia好似天使，黎拯救我呢個平凡既世人
搞到我不自覺地有少少興奮，仲係到笑笑口
過左一陣，我個鼻終於冇咁痛同止左血。
原來Claudia一直都係我身邊，而其他人就係我身邊圍觀
Claudia：「喂點啊衰人好少少未啊？」
我：「我冇咩野啦！多謝你啊！」
Claudia：「咁就好啦！你知唔知我係好擔心你架？我真係好驚你會死架！！！！你嚇死我啦！」
我：「我咪生勾勾咁係企到囉傻妹！！！！！對唔住啊要你地令我擔心！！」
Claudia：「你知就好啦！！！快啲起身啦！！！！好多人望住你架！！！！」
我先知原來大家都咁關心我，嗰一刻我真係好Touch！！！
Johnny同Joey行埋黎我到，仲同我Say Sorry同埋問我有冇事
我就向佢地示意左個OK手勢，因為我都知佢地都唔係故意既
而Oscar同Alice就示意我休息一陣，仲叫Claudia暫時照顧住我
不過我拒絕左。。。因為我想而家既每一分每一秒都要搏盡同無悔去投入我人生最後一次既O Camp，就算再受傷我都要玩到最後一刻，唔想有任何遺憾
唔知係咪因為我咁做感動左全場既氣氛，令到大家由擔心變為開心。。。。
於是Alice同Oscar宣佈進入下一個遊戲，而呢個遊戲就係「人疊人」。
呢個game因為以前大一做新仔嗰時玩過，所以我都識點樣玩。就係鬥快撲落軟墊到同埋要疊得高
不過今次玩法有少少改左，就係分成男子組同女子組
即係仔既跟組爸，女既跟組媽
而基於Lady first既原則，所以由女子組開始先
一開始既時候，形勢開始一面倒。
我地班組女個個都跑得好快，尤其是係Claudia同Miki簡直係女飛人咁滯
所以最後順理成章我地組成為左女子組第一名
於是我同班組仔係到商量，睇下佢地邊個大隻啲
因為如果搵個瘦底既人開頭既話一定會搞出人命
所以我地決定左既陣容就係Will－ Gillbert－ Quinton－ Ray－ Travis－ 我
兩分鐘後，我地既對戰正式開始
一開始大家都旗鼓相當，互不相讓
去到我既時候我體力已經開始透支，唔知係咪頭先流鼻血既關係
本來已經支持唔住，但係呢個時候Claudia無啦啦大叫：「加油啊！組爸！！！」
突然間我好似全身充滿力量咁，竟然跑得比我打波時仲要快
然後我就一野跳埋去我地班組仔到，不過搞到佢地超痛
最後我地以兩秒之差成為男子組第一名，成為左大贏家
而Alice同Oscar又係到宣佈下一個Game就係玩包剪揼，輸左既要比人用水淋
又係男女分開玩，所以都冇野會望到
今次比我抽到我同Steven對戰，而且今次就安排由組爸打頭陣
不過由細到大次次同Steven玩包剪揼都會輸比佢，唔知係我廢還是佢出千？？？
結果呢次又係我輸。。。。。仲要被佢一個打贏六個，全軍覆沒！
最後我地當然比佢地射水啦！！搞到我連底褲都濕埋
之後我見到Claudia同班組女都全軍覆沒，個個都被Kary佢地係咁淋到濕晒
唔知點解濕左身既Claudia好pure pure，好彩我地今日著深色衫，如果著白色衫一定會透埋個Bra。
佢到我望住佢，塊面又紅到好似隻雞蛋咁，仲扮嬲咁講叫我唔準望佢！
我即時都冇咩好講。。。。。。。同埋被其他人望住
之後Oscar同Alice就宣佈今日既O Camp遊戲就到此為止，然後就係營火會啦
於是大家都變得好High。。。。
等班莊員整理好同點火之後，就輪到我地各組既表演就係－－－－唱歌跳舞啦！！！！！
今次我地組就用左郭富城既「PARA PARA SAKURA」做背景音樂，然後起勢係咁跳
基本上全程都係由我同Claudia帶頭跳。。。。而其他組仔組女跳到甩晒beat咁
唯一估唔到既就係Claudia跳舞可以咁勁，而過程中我都不時都有偷望佢
當我地跳到最尾嗰陣，Claudia突然間失平衡。而我就即刻衝上去用手扶住佢條纖腰
然後我地兩個就好似跳緊辣身舞咁樣互相對望，就乘機將佢成個人抱起黎結束我地既表演
而其他人就係到拍手掌同高聲起哄，真係好險
Claudia輕輕咁用手肘批我：「多謝你啊衰人！」
我：「做咩咁客氣喎？？？我係你既"組老公"黎架，如果你有事我一定要幫你架。」我講完呢句野之後，搞到Claudia相當Happy，仲係到輕輕摸我個玻璃鼻，而我呢個時候亦都唔執輸，乘機係到撫摸返佢可愛既臉蛋。
Claudia係到打我隻手：「做咩摸我塊面喎？？？」
我：「污糟左啊要幫你抹返啊傻妹。」
Claudia：「算你啦！」
Will＆Sandy：「喂組爸組媽你地好恩愛啊！！！」
我＆Claudia：「多事啦你地！！！」
呢個時候Oscar同Alice就係到宣佈今日既O Camp活動正式完結。。。。。聽日繼續