中午時分,樂天名瞓夠左之後就即刻去M記返工,因為佢覺得同夏時之間嘅磨擦應該可以有人俾啲意見俾佢。

「銳邦呀!你覺得一個人會因為啲咩原因而執着遊戲執着到會嬲啊啦⋯⋯」樂天明喺做嘢嗰陣時偷偷地咁樣問咗蕭銳邦,佢嘆左一口氣話:「好心你啦返工嘅時候就唔好再講遊戲裏邊啲嘢啦,博炒咩!」

「唔係呢!我真係好想解決呢個問題喎!」樂天名有啲唔開心嘅眼神令到蕭銳邦都覺得奇怪,明明一個平時都幾熱血嘅細路仔做乜突然之間會咁開心嘅?隨後佢連同最近睇嘅一啲新聞就問咗一句話。

「天中明燈係你?」點知蕭銳邦一講咗出嚟本身打算幫樂天明解決呢個問題,點知就揭穿左自己唔打機嘅呢個事實,樂天明再三追問話:「你唔係話你唔打機嘅咩?話時話啦你係咪都係打緊CODE呀!有冇興趣⋯⋯」

再三嘅逼問底下,蕭銳邦依然冇承認到啲咩野,只係鬧咗樂天明一句話:「好心你咪咁X嘈啦,一係做!一係唔做!唔做嘅話同我躝!」結果到最後樂天明都係冇解決到呢個問題。





「話時話你呢排都去網吧呀?」收工嘅時候蕭銳邦問咗樂天明一句,樂天明照直回答係,蕭銳邦諗返起佢最近都要去嗰邊搵人就話:「等陣你幫我帶路呀⋯⋯嗱!我去嗰邊附近搵人,但係我都唔鬼記得左條路點行⋯⋯」

最後樂天明都點頭應承咗帶蕭銳邦去網吧,喺途中佢哋見到有間文具舖,樂天明就入咗去,令到蕭銳邦都覺得奇怪明明都唔係網吧嚟,點解要來呢度。

「你同邊個嗌左交呀?」蕭銳邦突然之間諗返起樂天明之前嘅一個習慣。「咪同嗰個時光倒流嗌左交囉!」蕭銳邦就笑住咁樣講:「使乜咁細路仔買禮物氹番人哋啊,我估打機嘅八成都係男仔嚟㗎嘛,大不了咪打過!」樂天明聽到呢個意見之後都忍唔住笑左一下話:「佢咁大隻無論係現實定遊戲我都打唔贏佢啦!」

「遊戲裏面都打唔贏?」 蕭銳邦睇嚟都覺得有啲震驚,好似係佢眼裏邊樂天明已經算係打機打得比較好嘅其中一個,居然有佢都打唔贏嘅一個人?但樂天明非常清楚對放喺遊戲裏面都係一位高手。

「呢個好唔好呢?定係呢一個?」樂天明喺度揀緊嘅時候,蕭銳邦見時間都差唔多就同佢講話:「再唔快啲去冇位㗎啦喎!仲有⋯⋯」突然之間扮晒凶狠咁樣話:「你唔好唔記得仲有人喺度等緊你!」





最後樂天明都係放棄左揀禮物送返俾夏時,亦都同蕭銳邦準備行去網吧,但係蕭銳邦越行越覺得奇怪,好似有人喺度跟蹤佢哋咁。加埋而家又落雨咁,唔通係⋯⋯

蕭銳邦回頭望左一望,但一個人都見唔到,唔通係自己諗多咗?

蕭銳邦即刻快步帶住樂天明行去就喺前面嘅網吧,入到去之後,每個人都好似變得好嚴肅咁樣,夏時亦都上前問咗一句:「冇事呀嘛,冇俾人跟蹤呀嘛?」樂天明亦都覺得好奇怪點解佢會咁樣問,隔離嘅蕭銳邦就答咗句話:「我呢就覺得俾人跟蹤緊嘅,但人影都唔見一個?」

孫善尚只係用嚴肅嘅表情話:「我哋而家懷疑有個跟蹤狂喺度附近⋯⋯」蕭銳邦話:「我都聽講過呢件事啦,所以就特登嚟⋯⋯」只係見到網吧嘅一個女仔即刻衝左上嚟攬實蕭銳邦,面容好似好驚咁,樂天明即刻嚇咗一跳:「你幾時有女朋友㗎又唔講!」

「咪on啦!佢係我個friend個細妹嚟嘅咋!因為聽講呢度今日好似有變態跟蹤狂所以先特登來接佢⋯⋯」蕭銳邦解釋成件事到底係發生咩事,樂天明先相信呢件事之後就問咗一句:「咁而家點呀?」





「呢個年頭報警就⋯⋯」孫善尚就話,蕭銳邦就問話:「咁嗰個人有冇人有見過佢,或者知道佢有咩特徵?」所有人都冇講嘢,樂天明就笑笑口咁樣講話:「可能幻覺嚟嘅啫!」

點知突然之間門口又打開多一次,一個攞住遮嘅大叔行咗半步望咗一兩眼,然後就話:「唔好意思呀!唔好意思呀!入錯咗地方⋯⋯」講完就離開咗,本身大家都覺得冇咩問題,但係蕭銳邦即刻衝左上去,點知一出到門口就見唔到人影啦⋯⋯

「啱啱嗰個?」夏時跟埋出去問咗一句,「八成九都似啦!」蕭銳邦答番佢轉頭,「以後我叫定班手足喺呢度附近搵吓佢係咪度?咁鬼死可疑,唔方係好野⋯⋯」蕭銳邦即刻打咗電話比佢嗰班朋友。

「咁你呢,你又係咩人?」夏時問咗一句, 蕭銳邦照直答番佢:「附近嘅一個打手黎姐,我叫蕭銳邦⋯⋯」夏時亦都講咗自己個名出嚟:「我叫夏時,我哋都係入返去啦,唔好喺度淋雨⋯⋯」

佢哋兩個入返去網吧又攞咗條毛巾黎擦下個頭。

之後佢哋就見到樂天明已經喺度開始繼續練level,蕭銳邦本身諗住同佢講呢個地方已經唔太安全,但夏時阻止咗佢,並講咗一句:「在點樣唔安全都好,阻人實現夢想都唔係一件好事⋯⋯」 蕭銳邦見到咁嘅情況雖然都好想反駁夏時,但佢嚟呢度嘅目的同樂天明你度嘅目的都唔同。

最後臨走嘅時候蕭銳邦只係講咗句話:「話時話呢你個PVP對面嗰隻野,冇估錯佢打算埋你身,拉開少少距離然後重錘打落去就得啦⋯⋯」樂天明聽完之後果然見到對面Breaker喺度瘋狂打算埋佢身,點知聽咗蕭銳邦嘅建議之後用咗佢個方法最後逆境重生,贏咗!

樂天明因為打到入晒神,完全唔記得咗同蕭銳邦講返聲多謝,諗住講嘅時候對方已經走咗喇。坐喺服務台嘅夏時目擊到呢一件事都問咗樂天明一句:「蕭銳邦呀嘛?天明,你有冇打算拉佢入隊?」





聽到呢一句嘅樂天明深深知道蕭銳邦已經係一個返唔到轉頭嘅一個青少年,由普通中學生變成一位區內嘅打手,已經令到佢無辦法再玩返啲咁低能咁幼稚嘅嘢之後就講咗句:「無謂令到佢難堪啊⋯⋯」

與此同時喺網吧附近嘅嗰一位大叔,身穿奇裝異服,攞住把遮正喺度諗緊下一步嘅計劃,自言自語咁樣講話:「哎呀!真係可惜⋯⋯唔夠膽入去添⋯⋯」
已有 0 人追稿