《遊夢玩家》［夢想］［網遊］［電競］（全程廣東話）: 第十章 生擒雨夜屠夫，點知佢同自創武器系統有啲關係？
「回顧番之前狙擊手你同永世長存打過一次，佢之所以避得開你嗰粒子彈有兩個原因，第一，武器參數，第二，身為一個職業選手佢必然計準晒所有數據！」夏時喺白板上面逐步逐步向孫善尚，但係佢唔明白一點乜武器參數唔係已經定晒㗎啦咩？
「我實估到你會話武器參數唔係一早由官方設定晒㗎啦咩，其實呢個遊戲有套系統，自創武器系統，佢係一套Builder普通技能嘅開發系統，消耗最高50%嘅MP值，然後分配武器附加參數，製成唔同嘅武器。」孫善尚先突然之間諗到話：「咁仲唔快啲搵個Builder？」
「我哋之前係諗住搵，因為以我哋而家嘅實力暫時仲未整到同永世長存一模一樣或者好過佢嘅武器⋯⋯我哋需要一位設計師⋯⋯」就係佢哋正喺度討論緊嘅時候，一個大叔又入咗來話：「我⋯⋯」
點知即刻比夏時拉咗入嚟網吧，孫善尚攞架撐，樂天明攞牛皮膠紙。
「你都好野啊！跟蹤我哋網吧幾個細路女然後跟到黎呢度。天明，打俾蕭銳邦！睇吓點炮製佢！」夏時即刻命令樂天明去打電話call人嚟睇吓點樣炮製呢個大叔，點知個大叔狂咁喺度擰頭話：「等！」
「仲話唔係！好彩你仲未作案咋，如果唔係咪死得人多！」夏時繼續講繼續講完全冇理會到個大叔諗住講啲咩，但勉強聽到佢噏左幾隻字：「我係黎搵⋯⋯」
「搵你個頭！」夏時即刻cut咗佢講嘅嘢，「我係黎搵Model 㗎！」夏時越聽越唔憤氣咁樣講話：「呢度冇呀！」
「等、等⋯⋯咩意思？ Model？」樂天明聽咗都覺得奇怪，網吧呢種地方點會有模特兒，於是諗吓諗吓就決定俾個大叔繼續講落去：「唔該晒，細路！我其實喺呢度附近一間設計公司嘅設計師，我都係為咗搵個Model黎幫我試吓啲作品⋯⋯」
「你唔係信呀嘛？」望住樂天明諗緊嘢嘅樣夏時問咗一句，因為以佢所知呢條街應該唔會有設計公司，但樂天明就問咗好關鍵嘅一個問題：「你有冇卡片？」
嗰位大叔連忙答咗句：「有、有、有！當然有！」隨後便遞上左卡片，好清楚寫明咗佢個名司徒方同埋佢嘅工作室地址仲有佢嘅電話號碼。
「話時話今次我哋嘅作品係同網遊有關，亦都同CODE好有關係，所以想搵現役嘅女性玩家作為Model⋯⋯」三個人聽落去半信半疑咁樣，要搵女性玩家？會唔會係呃人㗎？諗住騙色？
三個人喺度不停諗對方佢會唔會真係一個騙子，但嗰位大叔隨即又講咗一個回報：「當然做設計師呢一行唔單止要識得設計服裝啦，我可以幫我嗰位Model設計一把屬於佢嘅專屬武器，又型又勁嗰一隻！」孫善尚即刻為咗依句話而內心有所動搖。
「好心你啦係呢個時候仲黎呃人？」夏時繼續反問但見到兩個內心動搖緊嘅人即刻無言，扶住個額頭講話：「你地唔係真係信佢呀嘛？」
「我都唔算好肥應該做到嘅⋯⋯」孫善尚講到話，而樂天明都去咗查呢間設計公司：「都近嘅，間公司⋯⋯」一個為咗自創武器，一個為咗拉人入隊，似乎佢哋個心都偏向幫呢個陌生人。
最後⋯⋯
佢吔決定咗第二日朝頭早就去間公司睇一睇。時間仲有幾粒鐘，佢哋不停喺度輪更睇實呢個可疑嘅人物一路喺度打機升級。
直到蕭銳邦入咗嚟網吧講咗句話：「人呢！」樂天明連忙講咗句話：「冷靜啲！冷靜啲！事實係咁嘅⋯⋯」夏時都補充左一句話：「嗱！呢度唔俾開拖㗎！」
最後三人同蕭銳邦慢慢解釋咗呢件事，孫善尚亦都表示自己可以做到個模特兒，雖然就連蕭銳邦都對呢件事半信半疑，但姑且信住先睇住個可疑人物到聽朝然後去佢嘅設計公司睇吓。
到左樂天明守住呢條友嘅時候，樂天明就突然之間問佢：「其實你如果係真係有需要嘅話唔使咁鬼鬼鼠鼠偷入嚟呀！」
但睇到個大叔完全好似唔識得表達自己咁樣，好似有苦說不出，但最後佢都決定講咗出嚟：「我其實自細好驚出入呢啲地方驚有黑社會啊嗰啲嘢⋯⋯」
「閘住！你都唔細啦，仲驚呢啲？」蕭銳邦揮拳去到佢面前，佢都縮左一下。名為司徒方大叔嘅舉動令到蕭銳邦忍唔住笑，「雖然話細個都好鍾意打機但屋企始終資源充足冇必要嚟呢種地方⋯⋯」司徒方解釋話。
樂天明就表示唔明白繼續追問：「依家唔鍾意打機嘅咩？」司徒方只好笑咗一笑講：「始終我都唔係打得好叻，咁樣係搵唔到食㗎，所以最後設計系畢業完出嚟就做咗設計師⋯⋯」
「而家都決定攞返網遊嚟做你嘅作品，證明你都係鍾意玩遊戲啦⋯⋯」樂天明講到一半嘅時候，夏時就迫不及待咁樣講話：「大佬夠鐘㗎啦喎我見你間設計公司都係差唔多呢個時候開，嗱而家朝早你帶我哋去睇吓，我哋就順利！」
「好！」司徒方好堅定嘅回答表示到佢好想完成呢一份作品，並且對作品嘅展示抱有希望。
四個人步行15分鐘左右就到達左間設計公司。
一入到間公司睇住一系列CODE原版角色嘅模型，四個人都知道佢一定係個狂熱粉絲，司徒方就解釋話：「作為依間設計公司嘅老闆我當然就唔會主動同你地講等就會做咩啦，等陣我個秘書同埋攝影師會同你地講㗎啦。」
「睇來你真係好鍾意呢款遊戲喎！」蕭銳邦睇到成間房都只係擺咗CODE嘅模型就估到究竟司徒方佢嘅為人係點樣。但係司徒方返番埋位之後就解釋到話：「設計係呢個遊戲嘅一環我好鍾意，但我更加鍾意嘅係佢嘅遊戲體驗，所以當初都冇諗住入去創神遊戲公司嗰度做。」
「睇來你真係幾熟悉成個圈子喎⋯⋯」夏時更加從佢嘅話語當中得知佢對遊戲圈子嘅了解一啲都唔少。「但係⋯⋯」樂天明突然諗到一件好致命嘅一件事，遊戲裏面嘅女性角色大多數都會有啲露出部份，今次嘅拍攝會唔會都會⋯⋯
孫善尚，雖然係個宅女，但評論佢嘅身材嘅話，三個人先開始留意到啊佢都可能有Cosplay性感女角嘅潛力。
「望住我做咩啊？」司徒方同孫善尚見到佢哋三個望嚟望去嘅樣都忍唔住講咗句話，當然佢哋三個一方面繼續懷疑緊司徒方係咪騙色，一方面都好奇緊等一陣孫善尚嘅表現。
點知⋯⋯
睇住非常保守亦都非常有未來感覺嘅衫，三個人一方面表示可惜，但另一方面亦都感覺到安心，加上兩位外聘嘅秘書同埋攝影師都係女嘅，佢哋更加唔使驚。
「如果唔係你哋以為係嗰啲露出好多嘅衫呀？哈哈！呢一套巴閉囉！係以未來風格同網遊CODE online嘅元素結合埋既一套作品！」司徒方興致勃勃咁樣介紹緊自己嗰套作品眼睛好似冒晒光一樣，崇拜佢自己嘅作品，隔離嘅人睇到都覺得冇嘢好講，呢一位真係只係設計師！
影咗大概一粒幾鐘，攝影師講咗大家最期待嘅一句：「好！影完啦！」孫善尚即刻就問有關報酬嘅嘢：「咁武器方面⋯⋯」
「睇到你隻手啦，雖然纖柔，但慣用控制貓鼠嗰隻手較為強壯，加埋你本身個人淡定又帶埋眼鏡咁款，我估你應該係狙擊手嘅Shooter，今晚我會幫你整好你把狙擊槍㗎啦，係咪新伺服器？」司徒方仔細嘅觀察令到孫善尚紅都面晒，最後都只好點左一下頭。
「我嗰帳叫做方丈大師，今晚黎搵我就得㗎啦！」最後司徒方有禮貌地送咗佢哋出去門口，但係樂天明完全唔甘心咁樣嘅一位熱愛遊戲嘅玩家就咁樣俾人埋沒左，但佢都唔好意思咁樣問咗一句話：「有冇興趣加入我哋嘅隊伍。」
睇住司徒放返入公司嘅背影，佢嘅問題就係喧嘩聲裏邊被埋沒左，佢始終冇回覆到，樂天明只好暫時失望離開呢個地方。
司徒方返入自己嘅Office，望住枱面上面一張又一張嘅畢業證書，佢講咗一句：「為咗前途，興趣真係可以放棄咩？」最後佢都回答唔到呢個問題。
與此同時另外一邊，之前同夏時好friend嘅嗰個女仔，叫素素嘅女仔，返到屋企望住之前嘅相，四個大哥哥，加一個細路女，佢都問咗自己一句：「因為家人嘅反對，就連死去嘅人嘅約定都變得咁唔重視啦咩⋯⋯」最後佢都回答唔到呢個問題
兩個迷途嘅人好似一啲關係都冇，但面臨着嘅係同樣嘅問題。