《遊夢玩家》［夢想］［網遊］［電競］（全程廣東話）: 第十三章 天空島三個勢力嗌大交？

經過左多日嘅事件，夏時諗應該都差唔多係時候就講咗句話：「大家依排都喺度打PVP都冇乜點升級，睇嚟係時候解封我哋嘅實力啦，加上我哋而家有素素⋯⋯」



「叫我羅素就得㗎啦！」夏時聽到對方呢一句咁冇大冇細嘅說話完全覺得佢阿哥有機會死過翻生黎揼佢一餐，但始終依個名都容易記，夏時最終都係妥協左。



「咁加上而家我哋有羅素嘅加入，數值方面我哋可以有佢嘅幫助，而且狙擊各方面都有把新嘅武器，我諗就算而家單挑創神-永世長存都唔係冇可能⋯⋯當然啦我哋而家要打實個根基，以升呢同埋練習為主，呢個係我覺得目前嘅方針！」夏時同另外三位隊員分析目前嘅策略，但樂天明好似冇理到呢啲事狂咁喺度問羅維素有關Driver技能參數嘅問題，當然羅維素亦都好順攤咁樣答咗佢，搞到其實剩低孫善尚喺度聽夏時「廢噏」。







搞到夏時都忍唔住嬲爆爆咁樣講咗句話：「再阻住我講嘢嘅話你等陣咪使指擬開機啊！」樂天明意識到問題嘅嚴重性即刻收咗聲，但佢都學咗幾個基本嘅方案，亦都慢慢參透緊裏面嘅公式。



作戰會議完結之後，每個人都返返自己嘅座位，都紛紛登入左遊戲裏邊，只有樂天明偷偷地喺度用羅素教佢嘅幾個基本方案而進行一連串嘅運算同驗證，當然夏時發現樂天明嘅天中明燈仲未登入嘅時候，就嗌咗佢一下快啲登入遊戲。呢一刻樂天明先至從複雜嘅計算返返去遊戲裏邊。







佢哋入返之前本來熟悉嘅遊戲大廳裏面，見到周圍好多玩家見到佢哋都行遠兩步，好似驚遭殃咁樣。當然佢哋並無理會太多，只係希望可以快啲升到Lv.50，隨後打起名堂，收納名將！



但佢哋完全意想不到麻煩好快就喺佢哋身邊發生，目前對伍裏面有三個人已經突破三十級副本，剩低羅維素嘅修羅上身要重新練過。三個人決定先打住啲任務升下級，因為升級所需要嘅時間係隨着等級而上升，雖然都係要等一段時間，但佢哋相信好似羅維素咁嘅天才，應該可以好快追上佢哋。



係一片一望無際嘅天空之城當中，樂天明感覺到自己顯然唔係奇才，對比起夏時同孫善尚自己根本唔係啲咩勁人或者技術高超嘅高手，雖然佢自己咁樣諗，但之後嘅一段時間都令佢冇辦法唔集中精神去打遊戲。







「你就係天中明燈？」一把女仔嘅聲音係樂天名嘅耳機裏面放出，佢操控角色回頭一看，見到嘅係一個叫做林森-孔家榮耀嘅一個女性Driver，喺遠處正喺度打小怪嘅時光倒流同埋上善若水見到有兩個人嚟到天中明燈嘅面前，就知道唔對路，因此準備隨時開戰。



「我可以教你Driver打出最高連擊嘅方法！」聽到呢一句嘅樂天明有一刻動搖左，無論係之前見到時光倒流、上善若水同修羅上身嘅操作，佢開始感覺到自己同自己嘅隊伍實力相差得太懸殊，呢一切嘅一切都令到樂天明開始對實力有所追求，開始諗翻起究竟自己係咪真係有咁需要創立隊伍。



「其實⋯⋯」當樂天明諗住問對方點樣做到嘅時候，時光倒流上前講咗一句：「其實呢我哋真係好似網上謠言所講要整個隊伍出嚟，所以咪使指擬我哋交出任何一個隊員。」見到林森-孔家榮耀嘅被反駁嘅時候，令一個女性Driver林森-心有靈犀即刻係側邊行咗出嚟並補充左一句：「你又真係諗到我哋想做咩喎，但得嘅話你都可以過埋黎喎！」



一粒子彈穿過時光倒流同埋天中明燈嘅側邊直插林森-心有靈犀面前嘅草地，咁樣令到兩個玩家都非常難堪，佢哋本來打算就咁樣離開，但隨後又見到好似佢哋隊長嘅人物出現咗，不過一出場就係要打，只係見到林森-雄姿英發一招Breaker嘅疾風破壞，降落左係天中明燈同時光倒流嘅面前，之後就將武器對準時光倒流。







「我哋今鋪就係嚟封殺你嘅！仲有你地兩個女人做事效率咁低，仲唔快啲⋯⋯」名為林森-雄姿英發嘅角色仲未講完就比夏時下令叫孫善尚一槍追蹤彈扣左對方八成血，林森-雄姿英發見受咁重傷即刻叫咗其他幫手一個一個咁樣從上面嘅天空島降落，林森公會嘅主戰派即刻同時光倒流佢哋開戰。



另一邊屬於主和派嘅林森-孔家榮耀帶着林森-心有靈犀逃離現場並講咗一句：「呢個白癡！等陣大地嗰邊嗰班人都要來嘅時候我覺得都唔夠抽囉⋯⋯」林森-心有靈犀就回答左一句話：「都係大家姐你有先見之明⋯⋯」但係接住落嚟佢哋又喺返去練級嘅路途中遇到Driver天際-孔子轉世嘅阻擋：「家姐⋯⋯」



「我唔想同你個反骨仔講嘢啊！」林森-孔家榮耀見到天際-孔子轉世好似見到仇人一樣見到就開打，兩人同時利用Driver嘅速度承載，提升各方面嘅數值，並且進行電光石火嘅交戰。







「家姐啊我今鋪唔係同你地嗌交㗎⋯⋯」 天際-孔子轉世解釋，但顯然林森-孔家榮耀嘅操控玩家完全冇聽對面解釋就喺度講話：「你哋天際班人應該冇估錯都係喺度封殺緊嗰兩條友仔啦！」的確此時此刻一班天際公會嘅人嚟到咗天空島嘅戰場。



只見兩個Driver再冇解釋落去，一直打一直打，似乎好似見到仇人一樣一定要將對方打死，但天際-孔子轉世佢心裏面十分之明白今次嚟呢度嘅目的絕對唔單單係諗住封殺對方，更加多嘅係想講和，但係諗到呢度佢心軟左，雖然兩個睇落去都係職業高手，電光石火之中透露出一丁點接近無限暴擊嘅技術，但天際-孔子轉世好似讓左對方幾招一樣最後戰敗於天空島。



最後剩低林森嘅兩位，其中林森嘅孔家榮耀就睇到事態嘅嚴重就講話：「等陣分分鐘連嗰條友嘅徒弟都會嚟，加上大部份都仲未升到40級一定會經過天空島⋯⋯今日我哋大家都係唔好練級，通知其他我嗰邊嘅人，今日我哋都係個人決鬥訓練。」隨後佢哋就返到去遊戲大廳登出左遊戲。



此時此刻，樂天明同夏時嗰邊，三個人單挑遊戲裏面嘅兩個公會，天際同林森，雖然夏時本身諗住今日就退出遊戲改做第二啲訓練，但隨後一個女性嘅Loader從天而降嚟到咗時光倒流嘅面前，阻住咗佢哋嘅退路，第三股勢力大地出現咗，隨後林森同天際嘅人開始攻打大地嘅人。







三大勢力就咁樣喺度亂咁打黎打去，場面十分混亂，時光倒流，天中明燈好難先至去到上善若水嘅位置共同利用速度承載同投射射擊去到下一個和平地帶，先逃離呢一個充滿混戰嘅時刻⋯⋯