《遊夢玩家》［夢想］［網遊］［電競］（全程廣東話）: 第十四章 見識蕭銳邦嘅實力！

公會嘅玩家見到和平地帶嘅三個角色郁都唔郁，就喺度監察住佢哋，點知在場嘅有三個公會，不過佢哋同時都收到會長嘅指示，由阻擋其他公會搶人變成全體封殺三個帳號。

時間返番到幾分鐘之前，喺林森電競娛樂有限公司嘅訓練室嗰度，馬曉峰見到自己嘅角色林森-雄姿英發同公會嘅人逐一被打敗，就即刻攞孔榮妮同戴穎心嚟出氣話：「你班女人淨係知道喺度累事，好啦而家交唔到差啦⋯⋯」

孔榮妮本身打算反駁對方，但係完全冇對方咁強勢就俾人搶咗話：「特別係你呀，教練本身就唔應該插手公會啲事，仲要帶走我哋對伍裏面嘅隊員！哼！等陣老細怪罪落嚟，我睇你點算！」孔榮妮相比起其他隊伍嘅隊長或者教練佢特別柔弱，以致佢根本唔會反駁自己隊Team裏邊嘅隊長。

隨後喺天際有限公司嗰邊嘅訓練室，孔榮丘正喺度等緊自己嘅角色天際-孔子轉世復活嘅時候淨係喺度抱怨自己嘅親生家姐孔榮妮點解唔一齊對付擁有無限暴擊嘅玩家，呢一點佢永遠理解唔到。

時間再返返到樂天明佢哋今日啱啱進入遊戲嘅時候，早就喺遊戲大廳埋伏緊嘅冥主-華麗奇蹟，即係蘇奇華嘅角色，一見到天中明燈同埋時光倒流登入嘅時候，就即刻放左比三個之前仲未參與過封殺嘅隊伍旗下公會，隨即佢哋就開始啱啱果場嘅大亂鬥，最後打算係對方被打到殘血嘅時候打算嚟個執雞。





看似天衣無縫嘅計劃，最後比大地嘅雷恆兵意外地破解咗，促使三個勢力打算齊齊封殺三個角色。與此同時係遊夢網吧嗰邊羅維素見到其他三個停咗落嚟就問咗一句：「阿時哥哥做咩停咗落嚟嘅？」

夏時面色沉重咁樣講咗句：「激氣！點解到而家都仲有人封殺嘅⋯⋯」經過左大亂鬥，三個人已經耗費左好多精力，樂天明就問咗一句話：「咁而家點算啊？」夏時冷靜左並睇咗一睇四個人目前嘅等級：時光倒流38級，上善若水37級，天中明燈34級，修羅上身23級。

望到目前嘅狀況除咗羅維素之外其他人冇機會再升級，但佢哋冇可能再等多過長嘅時間嚟繼續休養，目前嘅狀態只會越嚟越打沉佢哋嘅志氣。羅維素見到如此嘅狀況只係講咗句話：「我哋需要有一個識得預判嘅人⋯⋯」

樂天明聽到呢一句即刻反應過來問：「點解嘅？」見到對方詳細咁樣解釋話：「人類係群體生物，亦都有一種現象就係人多蝦人少，係呢種情況下只要預計到一個角色點樣行就可以暗算一大班人。」

此時此刻網吧嚟咗一個樂天明認為正正需要嘅人，蕭銳邦。睇嚟今日嘅佢都係來接佢朋友嘅細妹返屋企。「細妹走啦，咁大家我哋就先啦！」聽到自己大佬到場嘅部份打手就即刻話：「係嘅邦哥！」見到佢就嚟走嘅樂天明拉住咗佢話：「大佬留多一陣啦！」見到樂天明突然撲上嚟嘅蕭銳邦就講咗句話：「你⋯⋯做乜鬼嘢啊！白癡！」





「幫吓手啊！邦哥！」當然聽到呢一句嘅蕭銳邦完全唔明對方喺度講咩就話：「做咩啊！俾人圍毆啊！」佢哋四個就點左下頭話：「真係俾人圍毆！」本身蕭銳邦都諗住幫佢哋，點知俾人呃咗坐低喺樂天明嘅位置嗰度隨後覺得俾人玩嘅講咗一句：「玩野啊！我唔識打機㗎！」

當然夏時同埋樂天明根本唔信佢講㗎啦，根據上次對方只係一句預判就令到佢哋相信左呢一位一定係社區裏面隱藏嘅高手，之後樂天明就講咗句話：「求吓你啦！如果唔係我就將你嗰啲秘密公諸於世！」

聽到「秘密」兩個字嘅蕭銳邦徹底咁驚咗：「喂！喂！喂！你咪亂講野啊！」在場嘅人當然就唔知道佢嘅秘密係乜嘢啦，但係多日以來長期同樂天明工作嘅蕭銳邦嚟一排有一個令人煩惱嘅秘密，導致佢成日都要問樂天明就呢個秘密攞意見，點知最後就成為左自己嘅吧柄。

「諗住點搞啊？」蕭銳邦問咗樂天明一句，並睇吓電腦嘅螢幕，點知見到成大班人圍住喺自己面前蕭銳邦先知道發生咩事。「話時話呢我哋呢排呢喺呢個遊戲裏面俾人⋯⋯」樂天明都仲未講完蕭銳邦就知道對方係俾人封殺緊，樂天明繼續轉述自己隊伍嘅狀況：「目前有一個戰士一個狙擊，同埋講緊過嚟嘅一個輔助⋯⋯啊！輔助攻擊好強㗎！雖然係單體攻擊⋯⋯」

大概了解目前狀況嘅蕭銳邦睇吓所有職業嘅簡介之後，就叫左一句：「大家！轉帳號玩！戰士去狙擊，相反狙擊去戰士，同時轉職業，我轉做刺客！」聽到指示之後雖然大家都猶豫左一下但都照做咗。





夏時轉用上善若水，孫善尚轉用時光倒流，隨後三個人就繼續前進打怪並且匿埋喺草叢裏邊，三大勢力亦都遲左一陣先至反應過嚟，佢哋係天空島上面本來搵緊個三條友去咗邊，點知一發子彈射咗落某個角色嘅地下，上善若水亦都行咗出嚟，所有人都以為子彈係上善若水打出嚟嘅，點知轉左職業嘅上善若水一招Breaker嘅空間破壞即刻喺天空島製造左個裂縫，令到一班人直接跌落無底深淵返唔到上嚟住。

一班人開始覺得奇怪點解一個狙擊手會突然之間用咗戰士嘅技能，但佢哋冇太多時間猶豫，同時轉左職業嘅時光倒流，喺隔離一下一下重擊其他在場嘅三大勢力人員，當佢哋又想打向時光倒流嘅時候，又壓軸出場左個天中明燈嘅刺客，一招毒液入侵即刻大範圍咁樣重傷三大勢力嘅人，呢埋係一邊嘅蘇奇華，見到呢番操作，覺得非常神奇，甚至叫絕，佢嘅角色冥主-華麗奇蹟行咗出嚟，並講咗句：「厲害厲害！唔知道我係請咗啲咩高手過嚟呢！」

隨後跟咗出嚟嘅仲有大地-雷霆神兵，雖然只係啱啱出嚟但兩個嘅氣場佢顯然同啱啱嗰啲雀仔完全唔同，三個都感受得到，特別係蕭銳邦佢感覺到對面嘅冥主-華麗奇蹟有一股同自己一模一樣嘅氣場同言語表達，冇估錯對方係一位預判高手！

「打回原形先⋯⋯」正係蕭銳邦打算下達命令叫夏時同孫善尚換位嘅時候，對方嘅Hacker隨即衝左上去呢個係蕭銳邦完全估唔到，對方一招屬性入侵減低兩個角色嘅速度加毒液入侵令到兩個角色大幅地扣血。

蕭銳邦感覺不妙雖然沖左上去但係就做唔到任何補救，只見兩個刺客正面交鋒緊，蕭銳邦正打算用暗影入侵瞬間移動到對方身邊嘅時候，對方同時使用暗影入侵，兩個人掉轉咗位置，而蘇奇華繼續攻擊着緩速緊嘅兩個角色，今鋪佢完全做唔到啲乜嘢啦，備受打擊嘅蕭銳邦仲要睇住對面仲有一個類似職業選手嘅人仲未開始攻擊，只好放棄左攻擊。

蘇奇華見到對方頹左嘅樣就話：「我見你預判同埋啲奸招都用得唔錯，有冇興趣⋯⋯」雖然蘇奇華見唔到但係遊夢網吧嗰一邊蕭銳邦已經激到離開咗座位，樂天明本身諗住問佢點樣拆，點知對方就講咗一句：「呢個就係我唔打機嘅原因，已經渣㗎啦仲叫我打！」隨後佢就離開咗網吧！

遊夢網吧嘅隊伍暫時傷亡慘重，剩低修羅上身⋯⋯