【二月廿九番外篇】《沒有穿越的平行時空》: 第十三章 孤獨 --- 2018年
第十三章 孤獨
Fiona的男朋友Jonathan想向Fiona求婚，已預先約好嘉嘉、Yeesa她們預備這個求婚party，借用了書店作求婚場地。嘉嘉已一早叫Yeesa，帶Ryan或者家聰來幫手。當然，Yeesa剛剛被家聰痛罵一番，最後叫了Ryan來幫手。
Ryan正忙著佈置的事，Jonathan也埋頭苦幹地背誦接下來要跟Fiona說的話。嘉嘉則和Yeesa密斟。
嘉嘉：「喂，揀得啱啦，Ryan越望越靚仔，又平易近人，唔似得嗰個會長余家聰，懶係高高在上咁。」
Yeesa︰「Shu，細聲啲啦，俾Ryan聽到喇。」
嘉嘉：「有乜所謂者，你叫得佢嚟就即係你有考慮佢啦！」
Yeesa︰「冇啲咁嘅事，其實我兩個都唔想叫，係你叫我叫佢哋嚟幫手喳嘛，我監硬先叫得郁其中一個喳。」
嘉嘉：「我唔覺監硬囉，你睇Ryan幾落力！」
Yeesa一直望著Ryan專心做事的樣子，Yeesa也很感動。
Yeesa︰「喂，你男朋友呢？」
嘉嘉：「唔好提喇，同佢嗌咗交。」
Yeesa︰「冇嘢吖嘛？」
嘉嘉：「冇事，成日都嗌交㗎啦我哋！」
Yeesa︰「你有咩事要同我講喎。仲有呀，我知道咗呢間書店係你爸爸俾你㗎！」
嘉嘉：「吓，咩呀？」
Yeesa︰「唔使扮喇。我起初都有唔開心嘅，不過依家冇喇！」
嘉嘉：「Sorry呀！」
Yeesa︰「痴線啦，我多謝你就真！如果唔係呢我連工都冇得番。」
Fiona來到書店，嘉嘉、Yeesa和Ryan立刻跳出來放禮炮，Joanthan緩緩走出來，講出感動的求婚宣言，Fiona深受感動。最終Fiona答應Joanthan的求婚。
受感動的不只是Fiona，Yeesa也感觸落淚。她一直以為Fiona以事業為重，應該是三姊妹之中最遲結婚的一個，結果剛好相反，是最早的一個。
Ryan︰「Jonathan做邊行㗎？」
Yeesa︰「佢係初創企業嘅老闆，開鋪開到成行成市。嘉嘉嘅男朋友Timothy都好犀利，係一個資深記者。」
相比起Jonathan和Timothy，Ryan的職業始終和他們有一段距離，Ryan也有一點自卑感。
Jonathan走過來Ryan和Yeesa身邊，非常衷心多謝他們今日的幫助。
Jonathan︰「係呢Ryan，今日有冇阻到你番工？」
Ryan︰「冇，我番shift㗎，今日放假。」
Jonathan︰「咦，你做邊行㗎？」
Ryan遇到一條最不想人問的問題。
Ryan︰「我做壽司㗎！」
Jonathan︰「咁我遲啲一定要嚟幫襯吓你做嘢嗰間餐廳喇！」
Ryan尷尬地以笑遮醜。
Jonathan返回Fiona身邊，繼續和嘉嘉傾偈。
Yeesa知道Jonathan這樣的提問，會打擊Ryan的自信心。
Yeesa︰「Sorry呀！」
Ryan︰「Sor咩ry者，冇嘢喎。唔，我有啲嘢要做，都係走先喇！」
Yeesa︰「吓，嘢食都未到，食埋先啦！」
Ryan︰「唔喇，我好似有啲格格不入咁！」
Yeesa拉著Ryan的手。
Yeesa︰「我一啲都唔覺你格格不入，我啲朋友都唔會咁諗。我好想多謝你今日幫我朋友出咗咁多力，你留低食埋嘢先走啦！」
Ryan︰「咁好啦！」
雖然Ryan之後仍有少許尷尬，但總算跟Yeesa和她的朋友們，在一片歡樂的氣氛中渡過了這個求婚party。
Ryan送Yeesa回家。
Yeesa︰「喂，原來你識講日文㗎！」
Ryan︰「係呀，以前讀書嗰陣鍾意睇日本動漫嘛！」
Yeesa︰「都知道你係宅㗎喇！」
Ryan︰「咩宅呀，呢啲叫顧家，以前要喺屋企照顧芷晴，所以好少出街。」
Yeesa︰「咁，不如你教我日文啦！」
Ryan︰「點解你咁想學日文？」
Yeesa︰「其實係神聖幾何嘅特訓之一。佢哋預計我出年嘅2月28號有機會再次有閃影，所以想我增強記憶力，又要學習北海道嘅地理同埋日文應用。教我日文嗰個關羽都係半桶水，不如我搵你教仲好啦！」
Ryan覺得神聖幾何那班人做的事都是多餘，就算Yeesa明年再有閃影，也未必跟現在的Yeesa有關。但現在可以借教授日文而有多些親近Yeesa的機會，Ryan當然答應。
※※※※※※※※※※
Yeesa停了去神聖幾何訓練已有兩星期。Yeesa想清想楚後，發覺自己有不對。當初找神聖幾何的目的，就是要解決她有閃影的問題。當他們一心一意去幫自己的時候，自己又懶又不積極，家聰罵她也有道理。她決定返回神聖幾何，繼續接受訓練。
她來到神聖幾何的基地，現場只有家聰一人，正在露台吸煙。
Yeesa︰「喂，Sorry呀，上次就咁走咗去！」
家聰：「受情緒影響做錯事係人都會，而且同唔同人相處，一定會出現想法上嘅分歧、差異，同埋衝突。」
此時，狗仔撲過來親近Yeesa，Yeesa開心地抱著狗仔。
家聰：「睇嚟Atma仲係好鍾意你。」
Yeesa︰「Atma？個名你幫佢改㗎？」
家聰：「係，同悲觀主義哲學家叔本華隻狗同一個名。Atma係婆羅門語，意思係『世界嘅靈魂』。」
Yeesa望著家聰。他總是帶給Yeesa一種神秘的感覺，一種好像遙不可及、但又好想去觸摸的感覺。
家聰：「思想同情感如果過份倚賴，就會令我地唔可以成為獨立自主嘅人。保持絕對嘅孤獨，先可以用一個最正確嘅距離，去睇穿呢個世界。一個人獨處，喺冇任何約束之下，先可以有真正嘅自由，成就自我。」
Yeesa覺得家聰是一個孤獨的人，很想去窺探一下他的內心世界，也想在他面前抒發一下自己內心的感受。
Yeesa︰「其實我喺閃影入面，見到另一個自己死咗，我個心真係好恐懼，好驚有朝一日會變成真。而我見到喺日本街頭嘅我，好無助、好孤獨嘅樣，覺得自己好冇用、好渺小。」
家聰吸了一口煙，繼續聆聽著Yeesa的心聲。
Yeesa︰「呢次經歷，令我明白幸福唔係必然，要好好珍惜朋友同家人，為咗佢地，我一定要喺未來好好活下去。我會做好訓練，你放心。」
家聰對Yeesa微笑，慶幸她能夠想通。
Yeesa︰「不過你哋唔使幫我練日文喇，Ryan會幫我，佢識日文。」
家聰聽到Yeesa講Ryan的名字，不知何解，心裡竟然感到有點酸溜溜的感覺。一向孤獨的家聰，自遇到Yeesa之後，開始有一些轉變……
※※※※※※※※※※
時光飛逝，轉眼間已踏入2018年。Yeesa為迎接2018年2月28日時可能會出現的閃影，她一直都在神聖幾何的基地進行特訓，現在已有很強的札幌地理常識和記憶力。同時，在Ryan的教導之下，她的日文已有明顯進步，看日文字和基本日文應對已沒有問題。
Yeesa跟Ryan的關係，應該仍處於那種「友達以上，戀人未滿」的狀態吧！而Ryan與家人商量後，決定辭去超市工作，在日式料理店裡由低做起。當然，這個決定，都是源自Yeesa當初對他的鼓勵，鼓勵他去追尋做廚師的夢想。
至於Yeesa身邊的好友，Fiona和Jonathan已完婚，更成功懷有小孩，大家都為他們而高興。嘉嘉與男朋友的關係仍然不好，經常出現分歧而吵架。
※※※※※※※※※※
重要的時刻終於來臨。今天就是二月廿八日，Yeesa決定在神聖幾何的基地中渡過。
神聖幾何六子也齊集在基地裡，陪同Yeesa渡過晚上的0時0分。
他們陪同Yeesa倒數5……4……3……2……1，Yeesa準時合十，閉起雙眼。