今天是愚人節，她跟我開了一個玩笑。: 36

「蘇。如果聽日係世界末日，你會做啲咩？」那個女孩挽著我手臂。

我們坐在大美督水壩上，眺望著海面。

「唔，我都唔知。你呢？」

「我會自己一個坐係好似呢度咁靚嘅地方，靜靜地望著個日落。」

「點解自己一個？」





「因為⋯⋯每個人出世都係自己一個人，世界末日嘅時候好應該係自己一個。」

「我唔同意喎。的確，出世嘅時候係自己一個，呢個我哋無得揀，但係當我地嚟到呢個世界嗰一刻開始，我哋會有親人、朋友、愛人，之後就唔係自己一個。」

「唔⋯⋯或者換個角度諗，正正係因為有親人、朋友、愛人，呢啲際遇我地都無得控制，到咗人生嘅最後一刻，唔係好應該將時間留返比自己？」

「你唔覺得好淒涼咩？人生嘅最後一刻唔係應該要同最重要嘅人過咩？」

「當一切都會過去，淒涼呢啲他人嘅感受仲重要咩？更何況，有咩人重要得過自己？」





「唔，我都唔知。」

「唉～～如果時間可以永遠暫停喺二十一歲就好。」

「點解係二十一歲？」

「因為我二十一歲仲有勇氣，想去試去衝，我仲有夢想。」

「之後唔得咩？」





「二十二歲之後，我大學畢業，中間嗰十幾廿年會變得好快，快到自已都唔知。到咗我三十二、到咗我四十二⋯⋯我諗我都習慣咗睇著時間一分一秒流走，唔再去憧憬呢啲嘢。」

「你又知嘅？」

「每個青年心裡面都有夢想，滿肛熱血。只係到咗某個年紀，有啲現實慢慢浮面，我哋會慢慢發覺，不得不去承認就算幾努力，耗其一生，都無法改變、擺脫自己係屬於平庸大多數嘅呢個宿命。」

「平庸唔好？平庸有咩唔好？」

「平庸，有咩唔好？係喎，平庸⋯⋯有咩唔好？」

「如果明知呢個真係我哋嘅宿命，咁點解唔安然咁去接受佢？」

「因為⋯⋯啊，佢出嚟喇，再傾喇。」

「咔嚓。」楊薇從浴室走了出來。





她的到來讓我回到現實，剛才就是發了場夢一樣，我用力地按著頭望她。

她穿著雪白色的浴袍，皮膚比那雪白更白，左胸上印有酒店的金色圖案，很是搶眼。

「做咩呆曬咁？𥄫嘢？」她下意識按著袍領，提高了聲調。

「無。真係無。」我按摩著頭，沒有想過會在這個時候想起她。

「頭痛？你沖涼喇。」 「你好返啲未？」我們很尷尬地同時問。

「嗯，好。」我們很尷尬地同時回答。

就像剛才的事沒有發生過一樣，我們慢慢地擦身而過。
我走到浴室去，她回到床上來。





「你會唔會又鼠咗去？」臨踏入浴室的我隨口問。

「唔會。」她很乖巧地說。

「我哋陣間傾下？」我見勢息回到正常，再問。

「嗯。」她的鼻音很可愛。

我關上門後，故意把花灑的水溫調低，學古人在冰涼的瀑布下尋思，希望這樣可以理清思緒，然後再好好跟她談談。

意外的是，她再沒有出現，楊薇也沒有再走，我很順利地回到床上。

一切安好。