那一天，有女仔嚟咗男校讀書: 第三章:厄運(第一節)

時間轉眼間嚟到十一月中，統一測驗已經迫在眉睫，好多「學霸」已經開始不眠不休咁溫書。作為一個本身成績唔錯嘅毒男，再加上小倩嚟咗，點都要威返次俾佢睇。所以我每日都會喺學校溫書溫到6點先走，因為喺學校溫書可以斷絕手機嘅引誘。
時間嚟到統測前一日，我照常留喺學校溫書，聽日測數學，我數學成績最好，還掂數學都冇乜嘢溫，都係溫後日測嘅英文好過。
就喺我啱啱攞出英文書嘅時候，一把熟悉嘅聲音傳入我耳中。
「咦?銘仔你仲未走咩?」
「係呀，聽日UT(統測)，要溫書呀!」
「咁一齊溫啦!」
就係咁，小倩同我就開始咗「一齊溫書之旅」。我而家先發現佢數學唔係咁好，之前都係啱啱合格。於是，今次「一齊溫書之旅」就變咗「我教佢數學之旅」。
俗語有云:開心嘅時間過得特別快，好快已經6點，校工要鎖門，唯有執嘢走人。
「多謝你教咗我咁多條數呀!」
之後，小倩錫咗我塊面一啖


我即刻呆咗，而佢就好似好開心咁離開咗課室

但係我哋兩個都唔知道，「佢」將呢件事盡收眼底...

(待續...)