「ok,我唔會嬲,請講。」
「其實我咁樣做係因為...我之前發現有人跟蹤我...佢應該係想追我。琴日6點喺學校同埋今朝我都見到佢企喺遠處望住我...我真係好驚所以我就扮成你係我男朋友...令佢死心...」
「...」
我到宜家先發現原來我俾小倩利用咗,我嘗試用溫和嘅語氣同佢講
「你返屋先啦,我突然間記起有啲嘢做。」
「你冇事呀嘛?」
我扮到自己好鎮定,但係其實我個腦真係好亂。
「梗係冇事啦!快啲返屋企啦,一陣嗰個跟蹤狂又會出現㗎啦!」
佢向我微笑咗一下之後就走咗...
原來,嗰一吻,衹係我自己諗得太多。


原來,小倩衹係利用我去趕走個跟蹤狂
原來,小倩唔係真心鍾意我,佢同我衹係利用同被利用嘅關係...

(待續...)
已有 0 人追稿