那一天，有女仔嚟咗男校讀書: 第四章:重新開始

自從我發現自己被小倩利用咗之後，我冇再同小倩一齊行返學，亦都少咗同佢傾計，佢撩我傾計我都衹係好頹咁應佢。佢有時仲會打電話俾我係咪嬲咗佢，我接咗幾次，之後就連聽都冇聽。
呢段時間我不斷問自己:其實我係咪嬲咗佢?
我諗咗好耐，最後我俾咗自己呢個答案:我唔係嬲咗佢，我衹係嬲自己點解咁蠢，俾小倩用利用咗都唔知。
呢排中子都留意到我頹咗好多，佢問我做咩，我求其吹咗個理由洗開佢。
我仲喺度諗，究竟我仲應唔應該同小倩做朋友。
最後我亦都得出一個結論:我應該同小倩和好如初，今次就當買個教訓。我亦都唔想喪失呢個難得嘅溝女機會。轉個角度睇，佢肯利用我即係話佢信任我。佢未鍾意我唔代表佢以後唔會再鍾意我。
就係咁樣，我又重新振作。希望可以借下個星期嘅學校長跑日重新再嚟過。

(待續...)