那一天，有女仔嚟咗男校讀書: 第五章:長跑日

長跑日係我學校一年一度嘅體育盛事，嗰日全校同學都會跑三公里，最後會跟據排名頒獎。
今年嘅長跑日同之前都冇乜分別，都係分級出發。
就嚟出發嘅時候，小倩行咗過嚟同我講
「不如一齊跑?」
「我跑得好慢㗎喎。」
自從上次我諗通咗之後，我亦都同返小倩一齊行返學，我都我都唔知點解，我同小倩反而變得比以前更加friend。
「唔緊要啦，我都好慢。」
「咁好啦。」
「3，2，1，start!」
其實呢次係我同小倩第一次一齊跑步，跑到一半嘅時候，我望一望小倩，發現佢開始出汗嘅時候，令佢個樣變得更有魅力。


「做咩一路望住我呀？未見過靚女咩?」
「唔係，我衹係未見過好似你咁嘅靚女。」
「專心跑啦，成日溝女!」
「ok ok」
最後我哋好辛苦先跑到去終點，名次更加唔使講啦。唔包尾，好好啦!

頒完獎之後，有旅遊巴車我哋返學校，小倩都話要同我坐。
坐坐下，我發現隔離有條友一直啤住我(佢應該係隔離班嘅)，睇嚟佢有啲妒忌我可以同小倩坐...

(待續...)