那一天，有女仔嚟咗男校讀書: 第七章:聖誕節(第三節)

我都唔知點解自己會夠膽做啲咁嘅嘢。
我見小倩冇反抗，就想得寸進尺。
但係我個良心阻止咗我。
我鬆開咗小倩，佢都好似呆咗，我諗:我係咪過分咗?
「sorry 呀!我衝動咗。」我道歉
「我個初吻咁就俾咗你...」
估唔到佢個初吻仲喺度
佢好似無嬲，仲有啲開心咁笑咗一下。
「其實...我第一眼見到你，就鍾意咗你，可能呢個就係所謂嘅一見鍾情。」我鼓起勇氣
「我...上次利用咗你...你唔嬲我咩?」


「我冇嬲過，因為我明你點解要咁做。」
「估唔到你咁大方。」
「咁...即係咩意思?」
「你俾啲時間我...」
之後佢就跑走咗...
咁，即係失敗咗?

(待續...)