那一天，有女仔嚟咗男校讀書: 第八章:期中試(第一節)

話咁快，聖誕節假期已經過咗。
已我即將面對嘅就係「期中試」
自從嗰次同小倩表完白之後，佢冇再WhatsApp我。
唔知咁樣係咪代表我失敗咗?
今日考英文先，我英文唔算勁，但係應該未到唔合格嘅地步。
今日我如想喺條街到等小倩，但係佢7點50分都未到，可能佢刻意避開我。
我心諗:唉！一定失敗咗啦
返到學校，我離遠見到小倩嘅背影，佢一見到我就即刻跑走咗，我想追佢都追唔切。
我抱住一個失望嘅心情行入禮堂考試，一望到份卷啲題目，再加上失落嘅心情，我根本冇心情做卷。
勉強叫做捱過咗英文，但係聽日仲有一科我好大機會會唔合格嘅西史要考，我而家根本冇心情溫書，淨係想返屋企匿埋喺張床喊，呢一刻，我真係好無力。


返到屋企，一打開電話，第一個通知就係:
WhatsApp:小倩:你今日晏晝得唔得閒?有啲嘢想同你講。