那一天，有女仔嚟咗男校讀書: 第八章:期中試(第二節)

我見到小倩竟然主動搵我，當然開心。
但係諗深一層，唔通小倩想同我斷絕來往?
唉！十成有九成都係咁㗎喇。
我用一個頹嘅心態問佢
「咁喺邊度等?」
「老地方」
我換返件出街衫就出咗門口。
好快就到咗樓下。
等咗大約15分鐘，小倩就到咗。
「等咗好耐?」


「唔係，幾分鐘啫。做咩無端端約我出嚟?」
呢一刻我真係好緊張。
「其實...我有啲嘢想當面同你講。」講完之後佢笑咗一下，但係我知佢係強顏歡笑。
「請講。」
「聖誕節嘅時候你係咪同我表白?」
我心諗:好明顯係啦!仲要問?
「係...」
「其實...我唔係唔鍾意你，只係我唔想再受傷...」
「咩意思?」
「之前，我喺xx學校識咗個男仔，佢一開始對我好好，但久而久之...」小倩竟然開始喊:「佢竟然喺出面偷食...之後就冇再搵我...」


原來小倩經歷過啲咁嘅嘢...
我即刻將小倩攬住
「冇事嘅!傻女，過去嘅事唔好提!嗰個渣男唔值得你去記住!我絕對唔係嗰種人!」
「銘仔...多謝你...」
小倩喊咗好耐，睇嚟佢真係俾個渣男傷得好深。
究竟嗰個渣男究竟諗緊乜?有小倩仲唔知足?
唔知足之餘仲要偷食?

(待續...)