那一天，有女仔嚟咗男校讀書: 第九章:過去(第二節)

小倩上返去之後，我再坐多咗一陣。
我重新整理咗一下究竟頭先發生咩事?
咁究竟我嘅表白係成功定失敗?
不過聽日都會見到小倩，聽日再試探一下佢都未遲啦!
瀨嘢，宜家已經六點返去一定俾呀媽鬧。我用盡全力跑返屋企，中途仲開始落大雨，真係黑仔到爆。
返到屋企我不出所料地俾呀媽鬧咗一餐，仲話今晚唔俾我打機，不過都冇所謂嘅，我都已經唔夠時間溫書，仲邊度得閒打機。
溫咗一陣，呀媽就話
「呀仔出嚟食飯啦!」
「得喇!」
經歷咗今日嘅事同埋知道小倩原來受過咁深嘅情傷，我根本冇可能專注投入溫書之中，個腦淨係諗住小倩。


呢一晚我完全瞓唔着，一嚟擔心聽日考試，二嚟擔心小倩。
半夜，我個電話突然響起。
我心諗:邊鬼個咁夜打嚟呀?
一見到係小倩，我即刻打醒十二分精神，用一把比較精神嘅聲去接電話。
「喂?小倩?做咩咁夜都唔瞓?」
「銘仔...我係咪嘈醒咗你?...Sorry...」
「唔係，我仲溫緊書...咁夜搵我咩事?」我求其作咗個理由
「銘仔...頭先...個渣男...又嚟WhatsApp我...話想見我...我真係好驚...」小倩又開始喊
「?!」



(待續...)