那一天，有女仔嚟咗男校讀書: 第十章:知己(第一節)

「你冷靜啲先!」我嘗試安慰小倩
「但係...佢不斷騷擾我...我真係好驚...」佢仍然喊緊。
「咁你喺WhatsApp block咗佢囉!」我提出解決方法。
「唔得㗎!佢知道我個電話號碼，就會一直用唔同電話WhatsApp我。」嘩，條友咁有米㗎?
「咁，你咪轉過部電話囉!」
「但係佢會喺學校門口等我放學...」
條友真係好死纏爛打喎!
「咁，不如你試下同佢講清楚囉，佢再嚟搵你咪去同校工講，叫校工趕走佢。」
「...」
「喂?」


突然間，小倩cut咗我線，我有咩做錯咗?
我坐喺張床到諗，究竟我做錯咗啲咩?
我同小倩嘅呢一段淨係得幾分鐘嘅對話入面，我淨係俾咗一啲意見佢，而唔係真正咁安慰佢同埋關心佢。
當我終於諗通咗，我即刻攞起個背囊，跑咗落樓。
當我去到小倩屋企樓下，時間已經嚟到凌晨三點...
「喂?小倩?我喺你屋企樓下啦!」我打咗個電話俾佢
「好!我而家落嚟!」佢把聲好明顯同頭先唔同咗，開心咗。
我好後侮我冇早啲知道,小倩究竟想點
小倩著咗件T-shirt同埋條熱褲就落咗嚟。
我哋上咗隔離個公園搵張櫈坐低咗。


我同小倩傾咗好耐，話題由個渣男一路去到我哋嘅心事...

(待續...)