那一天，有女仔嚟咗男校讀書: 第十一章:補習(第一節)

考試轉眼間就完咗，其他科都正常發揮，應該全部合格。
今日係農曆新年假期前最後一日，本來諗住返屋企打機打通宵，點知小倩一放學就話要開始溫西史。
「仲有排先考試喎!」
「未雨綢繆呀!」
佢拖住我隻手，拉我去自修室溫書。
唉！咁就喪失咗一個打機嘅機會，不過可以同小倩一齊都係一件好事嚟。
可能因為就嚟放假，自修室一個人都冇，終於可以同小倩二人世界。
我突然諗起，我仲未知小倩究竟有冇答應我嘅表白，睇嚟可以趁今日試探一下佢。
我哋求其搵咗個位坐低，我攞出西史書。
「由法國大革命開始溫好冇?」我問小倩


「好!」
喺小倩嘅細心教導之下，我突然開竅，大部份內容都明白咗，由法國大革命到民族主義嘅崛起都清楚哂。
「嗱!我還咗個人情俾你喇!見你今日咁努力溫書，我俾個獎勵你啦!」
小倩靠咗過嚟，個距離近到我清楚感受到佢嘅氣息。
喺我哋兩個嘅嘴唇接觸嘅一刻，我不禁打咗個顫。
睇嚟小倩已經用行動答咗我嘅問題。

(待續...)