我哋傾到就嚟天光
小倩同我各自返屋企攞返個書包再一齊行返學。
一返到屋企,一股睡意隨即襲來,我成晚完全冇瞓過,真係好耐冇捱過夜。
好彩呀媽同呀爸仲未起身,我快速攞完書包就走咗。
今日考嘅西史溫唔溫都一定唔合格,所以捱夜對我學校嘅排名冇乜大影響。不過對小倩嘅成績一定有影響,希望佢捱得過啦!
我哋係最早返到學校嘅兩個人,不過考試期間唔入得課室,我哋唯有去飯堂坐低,再用呢段時間溫咗一陣書。但係我竟然攰到瞓著咗,不過小倩見我咁攰,直至考試前15分鐘先叫醒我。
不出所料,西史考試嘅題目我冇一題識答。
小倩就好似好有信心咁行出禮堂,睇嚟佢成晚冇瞓都唔影響佢考試,真係「學霸」。
「喂!做咩咁冇精神?」小倩問我
「冇嘢,西史冇一題識啫!」


「哇!你咁西史咁廢㗎咩!」
「不嬲都廢㗎啦!」
「下次我幫你補下西史啦!上次你幫我補數學,還返個人情俾你。下次唔準西史唔合格!」
「Ok!」
我返到屋企即刻熄燈瞓覺,好彩聽日考中文聆聽,唔使溫,可以瞓耐啲。

(待續...)
已有 0 人追稿