那一天，有女仔嚟咗男校讀書: 第十二章:瞹眛(第二節)

我同小倩慢慢行，沿途一邊影下相，打情罵俏一下。
俗語有云:「歡樂嘅時光過得特別快」
我哋好快去到終點---鹿巢山，我望一望手錶，時間已經係下晝兩點。我見小倩大汗淋漓，立即攞出背囊中嘅毛巾為小倩抹汗，小倩冇抗拒，我細心咁為佢抹乾汗水。細看之下，臉上嘅幾滴汗水為小倩動人嘅容貌加添咗幾分可愛和仙氣。
我哋休息咗一陣，小倩提議我哋一齊去食下午茶，我當然即刻表示同意。
我哋落山後，搭返巴士去馬鞍山市中心，我哋喺商場搵咗間
cafe。
我同小倩都唔係好肚餓，就淨係嗌咗一件蛋糕同兩杯咖啡。
我同小倩好甜蜜咁互相喂對方食，今次真係我第一次享受熱戀嘅感覺。
食完下午茶之後，我哋行咗一陣街，沿途我哋都係十指緊扣。
食完街之後我送咗佢返屋企，今日絕對係我同小倩最親蜜嘅一日。


第二日小倩主動約我去睇戲，雖然愛情電影我唔係好鍾意，但係同小倩睇嘅話我當然義不容辭。
戲飛當然係我請啦，入到去差啲瞓着，不過小倩好似睇得好投入咁，咁我瞓着就唔係咁好啦!

(待續...)