那一天，有女仔嚟咗男校讀書: 第十六章:暑期旅行(第一節)

考試順利完結，我亦考得唔錯，以呢個成績應該可以順利讀到理科。小倩嘅目標係生物學，我本身對生物學都有興趣，加上我想同小倩讀同一科，所以我果斷揀咗生物。以我初中綜合科學嘅成績，入生物應該唔難。
好彩今年唔係好多人揀生物，以我唔算好嘅成績都可以順利揀到呢一科。
考完試即係代表暑假嘅來臨，小倩亦順利揀到生物科。
呢個假期好特別，因為我約咗小倩去東京!
中三呢一年我哋慳食慳住，再加上我同小倩家長都見埋，自然喺父母到都可以攞到一啲資助。
我哋呢個旅程當然係兩個人去，五日四夜之旅，啱啱足夠我同小倩放鬆一下。
我哋嘅航班十點起飛，我約咗小倩七點喺機場等，我哋當然係坐廉航，但係有得同小倩去旅行真係幾生修來的福分。
我哋拖住個喼行去check in，小倩好似攞得好辛苦，我作為男生當然有風度咁幫佢攞。
作為一個好少去旅行嘅人，大部分嘅手續都係小倩負責，但係行程方面就係我自己設計，小倩完全唔知，俾啲神秘感佢。
每一次同小倩相處，我都當作係最後一次，因為冇人知會唔會再發生一啲事令我哋再次分開。每一次，我都好享受同小倩嘅每一次對話。每一次，我都好享受每一次同小倩嘅互動。



(待續...)