那一天，有女仔嚟咗男校讀書: 第十六章:暑期旅行(第八節)

東京之旅已經過咗一半，嚟到第四日。
一起身行去廁所，見小倩刷緊牙。
「咦？你今日咁早嘅?」我問小倩
「係呀，早咗起身咪早啲見到你囉!」
「幾時變到咁識溝仔㗎?」
「如果我唔識溝仔，我點溝到你呀!」
「好似係我溝你㗎喎!」
「咪又係一齊咗...」小倩開始怕羞
「我幫你洗面，好冇?」
「好呀!」


我從後攬住小倩，將水輕輕抹喺小倩面上。我拿起毛巾，慢慢將小倩面上嘅水珠抹乾。
「點解你今日咁sweet嘅?」小倩問
我直接在小倩嘴上深深一吻，用行動回答呢個問題。
「喂!我有話俾你錫咩?」我哋熱吻完之後小倩問我
「咁你係我女朋友，點解唔可以錫?」
「算你啦!快啲刷牙洗面啦，時間唔等人㗎」小倩微笑地回答我

(待續...)