那一天，有女仔嚟咗男校讀書: 第二季:第二章:悲情(第一節)

我同小倩食完早餐之後，便各自返學校。
行返學校嘅呢段路特別漫長，我就如熱鍋上的螞蟻，心急如焚，但同時又唔知小倩有冇嘢隱瞞我...
我去到禮堂，入面已經有幾十人等緊，因為見唔到熟悉嘅面孔，令到心入面嘅緊張感湧現，我坐喺禮堂其中一個角落，一嚟擔心自己嘅成績，二嚟擔心小倩有嘢隱瞞我。
「喂，咁緊張做乜吖?都考完啦!」
終於聽到一把熟悉嘅聲音，中子坐喺我隔離，安撫下我嘅心情。
「唉，真係好緊張吖嘛！畢竟係人生大事。」
「唔考都考完啦，驚乜?」
「你都唔明，講嚟都冇用。」
等咗大約三十分鐘，老師行出嚟講咗一大堆廢話，呢三十分鐘好漫長，好似即將行刑咁。
中文:4


英文:4
數學:5*
通識:5
「Yes!!!!!!!」我以呢個成績，應該可以勉強入到中大讀。
中子亦都考得唔錯，不過佢諗住去外國繼續升學。
小倩都同我講過想入中大讀，希望可以一齊住hall啦。
我出到學校之後打電話俾小倩
「小倩，考成點吖?」
「全部都有5，通識仲有5*」
雖然考得好好，但係小倩好似一絲開心嘅語氣都察覺唔到。


「我都考得唔錯，你諗住讀中大定港大?」
我懷著興奮嘅心情問小倩
「......」
「小倩?」
「銘仔，對唔住...」我聽得出小倩有啲哽咽
「?!」
「我要去英國繼續升學...」
「咁突然?」

(待續...)