那一天，有女仔嚟咗男校讀書: 第二季:第二章:悲情(第二節)

「真係sorry吖，銘仔...」小倩深表歉意
「唔緊要，但係點解唔早啲同我講?」
「我...驚你會唔開心...」
「傻妹，我冇嘢喎。」我強作鎮定，心入面的確有唔捨得
「...」
「你喺學校門口嗰張長櫈等我，我宜家過嚟。」
我即刻截的士去xx女書院，我落車之後望到小倩正低頭哭泣...
我跑過去攬住佢
「...」
「...」


「喊咩啫?我會等你㗎!」我等小倩冷靜之後，打破沈默。
「我...真係想像唔到冇咗你喺身邊嘅日子」
唔單止小倩想像唔到，我都一樣
「我都係...但係呢件事你同我都改變唔到...唯有接受現實」
小倩攬到我好實，好似好驚失去我咁
「但係...我接受唔到。」
「慢慢嚟，我等你，無論你幾時返嚟，我都等你。」
「銘仔，多謝你。」
我之後送咗小倩返屋企。
「喂?中子，乜料?」我行返屋企時，中子無端端打俾我


「我之前咪講過，我會去外國讀書嘅，我唔記得同你講，我係同小倩一齊去。」
果然禍不單行...

(待續...)