【校園】【純愛】那天來了一位交換生: 第六章

第二朝 

唔知點解我尋晚會唔記得較鬧鐘

完全唔知醒

咁返到學校就梗係遲到啦  

我都冇辦法 要怪就要怪自己無記性啦



咁罰完企 就緊係返課室架啦

啱啱坐低Cherry就問我

Cherry：點解你今日咁遲返嚟嘅

我：冇呀 唔記得較鬧鐘 咪遲到囉

Cherry：咁你今日咪無食早餐囉



我：係呀

Cherry：咁你攞去食啦

跟住佢就係書包度羅咗個袋嘢出嚟 遞咗俾我

我：咩黎架

Cherry：腿蛋治囉



我：你有無咁鐘意食腿蛋治呀

Cherry：咁你係咪唔食吖 咁多嘢講

我：食啊食啊食啊

點解我好似咁緊張咁嘅

可能真係肚餓掛

是但啦

我：唔係講笑 認真問 呢個真係係小食部果度買？

Cherry：係呀做咩



我：點解小食部D嘢食突然之間咁好味嘅 

Cherry：可能見我靚女咪俾心機D整囉

我：實係咁啦

Cherry：咁你唔好信囉

我：我信呀 Cherry姐咁靚 我以為個阿姨會唔抵得跟著落毒姐

Cherry：口花花

講完佢就係度偷笑 擰返個頭去前面



係呢個時候

我感覺到一股寒氣係我背脊

又係文哥

我：大佬呀 你可唔可以唔好用啲咁嘅眼神望住我先

文哥：你唔係好專心咁溝緊女嫁咩 咁得閒理我呀

我：你唔好去死 都話咗唔係溝女咯

文哥：咁睇嚟要你教下我點先叫做溝女啦喎

我：我真係費撚事睬你 總之我同佢真係普通朋友



文哥聽到我咁講都無繼續落去 繼續訓覺




叮噹叮噹～

鐘聲響起歸家的訊號

話咁快又放學lu

Cherry突然之間拍我膊頭

Cherry：你而家係咪返屋企呀



我：唔係呀 我今日要去校隊訓練

係呀 我都唔記得同大家講其實我係足球校隊架

不過我學校唔算好勁 叫做唔差咁啦

文哥佢哋都係校隊嘅人

Cherry：哦 咁你哋逢星期二訓練？

我：逢星期二四放學後囉

Cherry聽到之後「哦」咗一聲就行開左

我等埋文哥佢哋之後就一齊搭車去訓練

咁校隊訓練嚟嚟去去都係咁啦 所以就唔講啦

訓練完之後已經差唔多八點

我同文哥同阿軒三個人就一齊去食飯

阿軒：毛哥你而家同個Cherry點呀

我：乜野點呀 咪朋友囉 可以係咩啫

文哥：但係我見佢係咁請你食三文治喎 仲唔係有嘢

我：咁佢見我無食早餐先請我食姐 況且人哋有男朋友架啦

二人：你又知人哋有男朋友

我將個晚見到嘅嘢話俾佢哋知

阿軒：唔撚係掛 咁佢係咪收你兵

我：你問我我問邊撚個啫

文哥：你都係小心啲好喎

我：屌都話無嘢咯 我對佢真係朋友咋

兩條友就係度望住我陰陰咀咁笑

食完飯之後 我哋都各自各番屋企

我同佢哋唔同路 所以就行先

返到屋企 沖完涼之後 就攤咗係張床度

好撚攰

所以我都好快瞓著

（我今日記得較鬧鐘架）

我見到一個女仔

好熟口面

但係我講唔出佢係邊個

佢同我揮手 好似叫我跟住佢

但係我發現我郁唔到

我：喂 我郁唔到呀

佢無理到我 轉身就走

我：唔好走呀 喂 喂 喂

佢好似聽唔到我講嘢咁

繼續走

等埋呀...

唔好揼低我...

唔好走呀......