【校園】【純愛】那天來了一位交換生: 第七章

我擘大眼
     
我屌    

原來係夢  

點解我塊面濕濕地嘅

我攞隻手去抹塊面







眼淚!?



唔嗱係呀 

發個夢姐 唔洗喊咁誇張下話





是但啦唔理

我望一望個鐘 

而家先6點

咁我都費事訓返

就咁攤係張床度碌下手機





差唔多夠鐘就換衫返學

我見今日咁早

就緊係去睇下有冇菠蘿油食啦

但係又真係咁好彩被搵到最後一個喎

有包就梗係襯熱食啦

於是我就一路行一路食

小弟本身係果啲鍾意享受嘢食嘅人

所以我返到課室果陣時都咬緊個包





唔係講笑

其實我都已經算係好早返學個批人

但係唔知點解每次一入課室嘅時候都會見到Cherry已經坐咗係課室入面溫緊書

我：其實呢 我一直都有個問題想問你

Cherry：咩呀

我：你係咪喺學校度住架

Cherry：唔係呀 點解你要咁問呀





我：如果唔係點解你每日都可以咁早就返到嚟嘅

Cherry：其實都唔係好早姐 可能我慣咗早起身掛

跟住Cherry望到我手上面個包

Cherry：咦 你今日買到菠蘿油呀？

我：係呀 今日真係好好彩 呢個係最後一個黎架

Cherry：恭喜晒喎 哈哈

唔知點解 我硬係覺得Cherry有少少怪

佢好似.....





強顏歡笑？

我都唔知 可能錯覺啦

佢應該唔會係想我食唔到菠蘿油咁衰掛

到後來我先知道

原來有好多嘢一直都已經擺咗係自己面前

但係就因為自己冇好好留意身邊嘅人或事

所以去到最後連失去咗某啲嘢都唔知道





要怪就只可以怪自己冇細心咁去關心四周

明明可以好容易就發現到嘅嘢

但係自己就不斷錯過發現嘅機會

可能呢啲就係所謂嘅命運掛

有啲嘢真係整定

無論你花幾多心機去改變

結局都係唔會改變  

死嘞

點解成日都會講到離題嘅

都係返返嚟先

咁呢日返學就無咩特別啦

話咁快又放學

Cherry又走嚟搵我

Cherry：阿豪 你而家係咪返屋企呀

我：係呀 做咩呀 想約我？

Cherry：算係掛 其實我住灣仔個頭架 不如一齊行啦

我：Cherry姐問到 我實話得架啦 

Cherry：咁行啦

係呢個時候阿軒入咗嚟 

阿軒：毛哥 記住今晚7點柴灣呀

我：得啦 你真係當我失憶架咩 晏晝提完而家又提

Cherry：你今晚有嘢做？

我：其實無咩大不了啫 我哋間唔中會約埋一齊踢街場 咁啱聽日學校放假 咪今晚踢囉

跟住喺返緊去嘅時候

Cherry：你不如唔好成日早餐都食菠蘿油啦 始終都係唔健康架嘛

我：咁我鍾意食呀嘛 你理得我啫 做咩無啦啦咁關心我呀 我靚仔姐 都唔好咁吖 怕醜架

Cherry：有無人話過你真係好自戀呀 直淨係自大個隻

我：下 我D字唔係好大咋喎

Cherry：其實唔係幾好笑架咋

我：唔好咁啦 我都諗咗一陣架

Cherry：哈哈哈哈 好好笑呀咁得唔得呀

我：係假咗少少嘅 不過見你肯俾面就勉強收貨啦

Cherry：咁點呀 你可唔可以唔好成日菠蘿油呀 我唔想有一日喺C1都見到 「本港中五學生因每日進食菠蘿油作早餐 突然爆血管 在學校暴斃」

我：有無人話過你D想像力真係好撚豐富呀 連標題都諗埋 咁但係我唔識菠蘿油可以食咩 我唔係乜撚都食

Cherry：你咪食腿蛋治囉 最多我請你啦

我：有靚女請就唔同吖 咁就多謝先啦 Cherry姐

Cherry：乖








明明一早就係面前

但係點解我會發覺唔到