【校園】【純愛】那天來了一位交換生: 第三十七章

過多一陣之後

我見到Cherry終於行入課室
   
佢望到我之後
      
我隱約見到佢好似係度深呼吸？

跟住就行過嚟



坐咗係我隔離

但係佢都係無望過我一眼

點解我同佢會搞成咁

明明就喺隔離

但係我同佢之間就好似有一道巨大而無形嘅牆



上堂嘅時候

佢都仲係無望過我一眼

係一眼都無

無論我幾辛苦去嘗試

幾努力去突破



呢一道牆都仲係絲毫無損

我成堂都係到諗緊我要點先可以打破到隔膜

突然之間

教BAFS嘅黃sir：陳子豪 你答我咩叫Future Value

我呆咗

因為我真係冇聽書

我企咗係度

正想同阿sir道歉嘅時候



Cherry：Future Value 即係一樣嘢係某段時間之後嘅價值

黃sir：啱嘞 陳子豪你要多謝人哋救咗你呀 你好專心啲上堂喇

我：係嘅 係嘅

頭先Cherry幫咗我？

我坐返低之後

望住Cherry

佢依然眼望住前面嘅黑板



我：唔該晒呀

Cherry用非常低嘅聲量：嗯

佢應我呀呀呀呀！！！

我辛苦咗幾日 

終於有返少少新嘅進展喇

我突然覺得自己可以越來越容易打破呢度牆

之後我都有不斷搵機會試下撩佢講嘢

雖然佢都係冇應過我



但係自從頭先佢幫咗我之後

我就覺得自己一定可以成功

放咗學之後

我即刻搵齊晒文哥佢哋

然之後同佢哋講返頭先發生嘅事

文哥：咁佢幫得你就代表 佢心入面仲著緊你啦

阿軒：係囉 咁你而家可以唔駛咁擔心啦



阿峰：你而家可以專心咁練跑啦

阿朗：未得住

傑仔：仲未得？ 咁仲要做啲咩

阿朗：而家Cherry雖然幫你 但係咁唔代表 佢而家仲對你有信心

金仔：咁而家仲要做啲咩呀

強哥：我覺得而家毛哥你要搵個機會同Cherry講清楚你自己心入面到底係點諗 將你自己嘅想法講晒俾佢知

阿朗：同意

我：咁幾時先係啱嘅機會呀

強哥：機會唔係等出嚟 係要自己創造架

點解我覺得而家我自己好似係果啲熱血動漫裡面

但係真係好幸福

有班咁好嘅兄弟係度幫我計劃咁多嘢

去到第二日

一返到學校

佢都係好似平時咁

坐係自己位做自己嘢

我都冇特別去搵佢傾計

因為我知道佢都仲係唔會理我

可能會真係聽唔到掛

但係我覺得佢係特登

是但啦

總之今日我要比佢知道我內心到底係點諗

我一日唔話比佢知我點諗

分分鐘我同佢就真係係咁先

但係都要一個合適嘅時機

係呢個時候

我諗返起尋日強哥果句說話

機會唔係等出嚟 係要自己創造架

創造？

講就易

但係到底要點先可以創造到

今次我唔可以再問倆個佢哋

雖然我問到嘅話佢哋一定會幫我

但係我每次都要靠佢哋先做到嘢嘅話

咁我真係好失敗

而家係我嘅感情事唔係佢哋

下下都要佢哋幫我手

我都真係唔係幾好意思

所以今次我都係決定要靠自己

喺我一直諗到底要點先可以創造機會嘅時候

哎吔






機會唔係成日有 機會擺喺面前 把握唔到嘅話 冇咗就真係冇咗 唔會返轉頭