【校園】【純愛】那天來了一位交換生: 第三十八章

我聽到有人係度嗌咗一下
   
我好自然咁拎轉頭問吓發生咩事

我見到Cherry坐咗係樓梯邊

㩒住自己嘅腳腕

我即刻行埋去      



我：你點呀

Cherry：冇事

我無理到佢句無事

因為佢面上面嘅表情已經話比我知佢好痛

我捉住佢嘅腳腕



稍為出多少少力

佢已經痛到嗌咗出聲

我拉低咗佢隻襪

隻腳腫晒

真係豬蹄咁款



於是我扶起咗佢

我：嚟啦 我扶你去醫療室

Cherry：唔駛 我無事

我：乖啦好無 唔好再死頂啦 你隻腳腫晒都話無事

Cherry冇再出聲

於是我就扶咗佢去醫療室

由於佢隻腳真係有少少嚴重

我哋嘅速度有啲慢



行行下嘅時候

我諗返起之前佢又係扭親

跟住我就咩咗佢返屋企

不過今次係學校嘅關係

所以我只係扶住佢

跟住我個腦突然彈咗兩隻字出嚟

機會



係喎

依家我同佢獨處緊

如果我今次唔講嘅話

我真係唔知仲有咪下一次機會畀我講

我：Cherry呀

Cherry：嗯

我：其實呢 我有啲嘢想同你講呀

Cherry：嗯



我：一直以黎 我都冇呃過你

Cherry無應我

於是我繼續講

我：你之前見到嘅果個女仔 我同佢嘅關係真係唔係你諗咁樣

Cherry聽完之後望住我

我：佢個名叫做Chloe 係我嘅青梅竹馬 我無同你講過佢嘅存在係因為佢之前離開咗香港

講講下就已經送到佢去醫療室



我放低咗佢之後

我：我講咁多嘢都只係想話你知 我對妳嘅感情由頭到尾都係真 我一直都冇呃過你 我講過我淨係鍾意你一個 就真係淨係鍾意你一個

講完之後

我見到Cherry望住我

跟住我就轉身走咗

唔係懶型

而係再唔走我就肯定俾人話我走堂

雖然之後Cherry成日都冇同我講嘢

但係我feel到佢對我無之前咁嬲

起碼佢無好似之前咁一見到我就黑面先

其實咁對我嚟講已經係一件好好嘅事

放咗學之後

我即刻將呢件事同強哥佢哋講

強哥：咁你已經成功咗一步啦

阿朗：咁睇黎你之後只需要係陸運會做返你應承過嘅嘢 咁應該就冇問題啦

我：應該都係

文哥：但係有個唔係幾好嘅消息

我：乜嘢唔好嘅消息呀

文哥：展希佢同你撞咗幾個項目呀

傑仔：咁毛哥你今鋪大撚鑊喇喎

展希係我哋級裏面嘅運動大將

佢係我哋學校嘅田徑隊主力

佢幫我哋學校攞過唔少田徑嘅獎

跟住佢而家同我撞咗唔少項目

即係代表今次如果我要攞冠軍嘅話

難度係加倍上升

今次真係喊出嚟

但係雖然話展希佢好勁

但係我話晒都係足球隊嘅主力

運動上應該唔會太過輸蝕嘅

如果我肯再努力啲練習嘅話

分分鐘我真係贏到佢呢

就係因為咁

我比以前更加努力去練跑

真係好攰

但係我都堅持要早啲起身返學

唔係淨係因為想見多啲Cherry

而係我已經習慣咗

習慣咗就唔想變

今日我又係正常時間咁返學

返到學校

我見唔到有人喺課室

但係我知道Cherry返咗嚟

因為佢個位已經放咗個書包

可能佢去咗廁所掛

咁我就返埋位

我將筆袋放去櫃桶

咦？？