喺我櫃桶裡面出現咗一包嘢

係一個好熟悉嘅包裝

一個白色膠袋

裡面係一個兩塊嘅白色夾住一塊紅色同黃色

腿蛋治



我:YES!!!

我喺心裏面咆哮

望到果個好耐都無見過嘅腿蛋治

我個心莫名嘅感動

即係代表Cherry已經下咗少少火



如果真係咁嘅話就好啦

即係代表我尋日講咁多嘢

唔係曬口水

真係做到嘢

我而家已經唔係強求佢一定要應我



即係佢唔好好似之前咁完全當我隱形咁就得

嘅然佢依家都好似之前咁買腿蛋治比我

咁已經足夠

跟住落嚟我成日都好開心

成個人好似High大咗咁

文哥:你拍藥?

我:你都痴孖根 我係唔會掂煙同毒架

文哥:知你乖仔啦 我都係講吓笑啫



阿朗:咁你做咩 無啦啦咁開心嘅

我將腿蛋治嘅事同晒佢哋講

傑仔:咁你而家放心好多啦

我:梗係啦 仲駛你講嘅

強哥:照咁睇你只要遵守承諾就無事啦

我:嗯

冇錯



跟住落嚟我淨係需要做返自己應承過佢嘅嘢

咁應該就冇事架喇

話咁快

就終於到咗陸運會嘅日子

我今日好早就起咗身

雖然只係瞓咗大概4, 5個鐘

但係都好精神

我感覺到今日係我嘅日子



我話比大家知

今日我先係王道

冇嘢可以阻擋到我

今日我約咗成班兄弟食早餐

點解?

要預祝我嘅勝利呀嘛

即係咁講姐



咁大家互相鼓勵下

可能表現都會好啲

總之就喺大戰之前聚一聚啦

因為而家真係朋友

陣間企喺跑道上面就已經變咗敵人

阿軒:毛哥 今日就係判定日喇喎 你有冇信心架

我:同你講贏緊就一定係呃你嘅 始終最大嘅對手係展希 但係信心嘅話 唔多唔少都有嘅

金仔:嘩 大佬呀 你而家講到好似淨係同展希1on1咁 當我哋流?

阿峰:話晒我哋都係足球隊正選嚟吖

文哥:仲要我哋都練咗好耐架

強哥:我哋話之你係咪想氹阿嫂 仲之想贏就問過我哋先

我:咁我諗我哋冇彎轉架啦

阿朗:並沒有

我:咁兄弟都無情講架喇

阿軒:睇下到時邊個喊

死啦

都未開波就已經全世界咁戇鳩

陣間仲得了嘅

是但啦

反正佢哋都唔係我對手

我對手係自己度

Shit

又膠咗

總之最後贏果個一定係我

吹吹下水嘅時候

我哋已經到咗運動場

入到運動場

原來已經有好多人到咗

個場面重要好熱鬧

係咪因為最後一次嘅關係呢

點解覺得今年嘅陸運會盛大咗咁多嘅

總之今年我一定要好好享受埋今次呢個陸運會
已有 0 人追稿