:你好癲呀
:好熱血呀
:好彩今次冇射波咋      

當我仲諗緊到底發生咩事嘅時候

文哥:毛哥

我:做咩呀



文哥:你老老實實話比我知 你到底係咪食咗過期春藥

我:你咪撚癲啦

文哥:如果唔係點解你會咁快架

展希係呢個時候行咗埋嚟

展希:阿豪 原來你咁勁架 我真係出晒力想追你都追唔到



追唔到?

咁即係




我贏咗????






我再望一望個顯示屏

1.  5B
2.  5A
3.  5D
4.  5C

我真係贏咗呀!!!!

第二面金牌

我嘅冠軍之路開始明朗



但係我真係估唔到我自己咁勁

根據我向好多人收集嘅情報

當我接棒之後就一直咁跑

仲要開始拋離阿朗

然後展希接棒之後梗係即刻爆速

唔使一陣佢已經追過咗阿朗

但係就一直都收窄唔到我同佢之間嘅距離

反而仲有拉開嘅跡象



呢個形勢就一直維持到我衝線

我真係估唔到我竟然會咁樣贏咗

唔通呢啲就係傳說中嘅爆發小宇宙?

呢啲事蹟J一陣就夠啦

要好好準備第二日嘅比賽

陣間開始飄就奶屎架喇

因為今日最後一場嘅比賽都完咗



所以過多一陣之後我哋都解散返屋企

我都拿拿聲走

快啲返屋企休息下

如果唔係聽日冇力跑

我到咗巴士站嘅時候

咁啱就目送咗我班車係我面前離開

連個天都咁對我

我都係想快啲返屋企啫



咁都有錯咩

於是我就充滿著怨氣咁去排隊

我帶住耳機聽歌

挨咗係個欄杆到瞌埋眼休息下

過咗一陣之後

我感覺都好似有人望住我

我開眼望一望隔離

咁啱就同Cherry四目交投

佢即刻回避我嘅視線

我為咗唔好咁尷尬所以就求其搵啲嘢講

我:你頭先4X100都幾勁喎

Cherry呆咗一陣先知道我同佢講緊嘢

Cherry:係...係咩 都唔係好勁姐

Cherry講完之後我哋兩個都無嘢講

成個氣氛尷尬到喊出來

過多一陣Cherry突然開口

Cherry:你而家暫時個成績點呀

我:而家都幾樂觀呀 暫時有有兩個冠軍 跟住其他項目都入晒決賽 

Cherry:咁你要繼續加油呀

我:梗係啦 我仲要攞總冠軍架

我特登提高總冠軍就係提醒佢呢個承諾我一定會守

跟住我好似見到Cherry稍為笑咗一下

無奈之後 我哋架巴士都到咗

跟住我是但搵個位坐低

Cherry行咗過嚟

Cherry:我可唔可以坐你隔離嘅窗口位呀

我:冇問題呀

雖然Cherry坐咗係我隔離但係我真係好撚攰

開車冇耐就訓著咗

訓訓下嘅時候

我隱約聽到有人喺我耳邊講嘢

但係我完全聽唔清楚
應該都係發夢姐

唔知訓咗幾耐之後

直到Cherry叫醒我

返到屋企之後我就即刻沖涼訓覺

直到有人打電話比我







我等你
已有 0 人追稿