【校園】【純愛】那天來了一位交換生: 第四十六章
屌你老味我今日真係好撚攰
邊條撚樣阻住我瞓覺
我摸咗一陣先搵到我部電話
我攞起部電話望吓係邊條仆街
原來係曉彤
我收番頭先講過嘅嘢
但係點解佢會打俾我
以防萬一大家唔記得咗佢係邊個
佢就係文哥嘅女朋友
我:喂
曉彤:喂 阿豪?
我:係呀曉彤 做咩啊
曉彤:阿文同我講你好似有啲心事咁 所以佢叫我搵下你
屌 文哥呢條死仔
擔心又唔講
兄弟就係咁
有啲野明明好在意
但係就係偏偏表現都唔在意
然之後喺暗地裏默默咁擔心
我:而家基本上都冇咩事喇 你可以放心
曉彤:但係好似係關女仔事喎 使唔使我俾啲意見你呀
俾佢咁講
可能文哥就係想曉彤俾啲意見我所以先叫佢打俾我
又諗得幾周到喎 衰鬼
我:其實而家都差唔多解決㗎喇
曉彤:咁你當講個故仔俾我聽得唔得吖
咁佢都講到咁啦 話俾佢知其實冇乜所謂
於是我盡量將成個故仔完整咁由頭到尾講比佢知
佢聽完之後靜咗一陣
我仲以為佢cut咗線
曉彤:我自己諗啦 其實你唔需要咁重視呢個陸運會攞唔攞到冠軍 其實Cherry等緊你嘅係一句正式嘅道歉
我:即係點呀
曉彤:簡單啲講啦 你哋兩個之間爭一句對唔住就可以變返以前咁
我:但係我應承過要攞個陸運會冠軍俾佢
曉彤:你覺得喺佢心目中你重要啲定係嗰一牌獎牌重要啲?
我:...
曉彤:我唔講到咁白啦 個答案係咩你自己心裏有數
跟住我哋就收咗線
同佢傾完電話之後我完全冇晒睡意
我淨係喺度諗我要點做
承諾定係道歉....
—————————————————————
尋晚唔知去到幾多點就瞓着咗
但係我起身嘅時候成個人都好辛苦
周身骨痛
應該係琴日帶落嚟嘅傷
哇屌
唔係講笑真係好痛
依家要去郁一都痛
陣間陣間比賽咪仆街?
跟住我醒起琴日返到屋企唔記得浸冰水
Shit 失策添
鬼叫自己大懵唔記得咗
而家做怨婦都冇用
跟住過多一陣我就換衫跟住出發返去運動場
去到運動場我第一個就見到展希
佢都望到我跟住就即刻行過嚟
展希:阿豪點解你個樣好似咁殘嘅 冇事呀嘛
我:冇啊只係尋晚瞓得唔好而家成身都好痛姐
展希:我都唔知點幫你好 你試吓拉下筋啦可能會好啲
我:得啦 有心
展希:唔好咁容易整親呀我仲好想同你繼續鬥埋今日㗎
我:你今日有咩項目
展希:我今日有100米200米同跳遠囉 你呢
我:我有200米400米同跳遠啊
展希:咁你要加油啦
我:你都要加油
金翅仆街鳥
今日狀態咁差但係我仲要同佢鬥兩場比賽
咁我好難贏㗎喎
跟住我突然之間諗返起琴日曉彤同我講嘢
我突然間諗通咗少少野
好啦唔講咁多
我中學生涯最後一場陸運會嘅決賽日要開始喇
一句道歉
已經係一種距離