【校園】【純愛】那天來了一位交換生: 第七十七章

去到間麵包舖

個店員姐姐都認得我

：毛仔 好耐冇見過你啦喎？

我：係呀

係呢個時候



我感覺都有一股殺氣係背脊傳過來

我嘅求生本領即刻出咗嚟

我拖住Cherry

我：今日我女朋友話想食呀麻 所以咪帶佢過嚟

然之後我對住Cherry講



我：因為我之前成日都食菠蘿油所以連店員都認得我姐

買完之後

我同Cherry一齊慢慢行去附近嘅一個公園

Cherry：咁點解你突然無再食菠蘿油嘅

我：你係咪明知故問啫



Cherry：咩喎 咁我想知吖嘛

我：咪就係因為有人每日都買腿蛋治比我攪到我食唔落囉

Cherry：咁你而家即係怪我啦

我：我都唔係咁嘅意思

Cherry：咁我而家俾一次機會你解釋清楚

我：因為你啲腿蛋治實在太好食所以我唔捨得用菠蘿油嘅味冚過佢

Cherry：超 又係到亂講嘢

我：點呀 講真話你又唔滿意



Cherry：你而家對我有好多怨言咁喎

我：點會呢 你知我最中意你架啦

 我：快啲食啦 陣間凍咗就會好漏嫁喇

一打開個膠袋

個一浸牛油香即刻衝晒出嚟

因為菠蘿包係新鮮焗出嚟嘅關係

佢用餘溫慢慢咁將個一舊牛油溶化



將個菠蘿油放埋口邊已經會被佢嘅溫暖包住

大大啖咁一咬

您會感受到因為牛油溶化咗

所以佢嘅油脂滲晒入去個菠蘿包度

牛油嘅油膩同菠蘿包嘅皮互相中和

個一種和諧嘅感覺越令人一再沉淪

如果而家係動漫世界嘅話

我諗我應該會爆衫



我都唔明點解會有咁多麵包舖會因為嫌麻煩而唔整

其實都係菠蘿包加塊牛油咋嘛

Cherry都食到好陶醉

Cherry捧著塊面：真係好好味喎

我：咁你知我點解之前會日日食啦

Cherry：但係咁樣食咁大舊牛油落肚 好肥呀

我：咁你見我成日做運動 咩都抵銷返啦



Cherry：你而家即係借啲意話我可能唔做運動所以就咁肥啦

......

點解啲女人成日都會過度翻譯

喺食緊嘢嘅時候

我突然之間諗遲啲中學畢業之後我同Cherry可能會讀唔同嘅嘢

但係其實你問我真係想讀咩嘅話

我又真係答你唔到

因為我冇認真諗過我大個其實想做咩

不過都無所謂啦

而家全部人讀果科出嚟都唔係做果行架啦

咁不如問下Cherry讀咩我跟埋一齊咪得囉

我在努力多啲嘅話應該可以考到同佢差唔多成績嘅

我：你遲啲大學畢業諗住讀咩科啊

Cherry：做咩突然之間咁問我嘅

我：冇呀 因為我諗住同你一齊讀呀嘛

Cherry：梗係唔得啦 你要讀自己鐘意既野架

我：我都未諗到自己鍾意啲咩

Cherry：你真係咁想痴住我咩

我：梗係啦你係我女朋友嚟㗎嘛 唔痴你痴邊個喎

Cherry：咁遲啲點算喎 我哋點都有可能分開架嘛

我：咁我唔會比你走 再唔係你去邊我跟到你去邊

Cherry聽完之後冇出聲

我仲以為會好Sweet添

點知佢冇反應

過多一陣之後
 
Cherry就話返去

都係嘅時間都唔早喇

但係唔知點解硬係覺得佢好似有啲奇怪咁