【校園】【純愛】那天來了一位交換生: 第七十八章

雖然Cherry話唔想我同佢一齊讀

但係佢最後都屈服咗

原來佢諗住讀Computer Science

估唔到係呢科

我仲以為佢會上讀商科添



不過講開又講

其實我對於Programming都有少少興趣

始終我覺得識呢啲可能之後會幾方便

咁而家呢個世界嘅科技越嚟越先進

學呢啲遲啲點都會有用嘅



估唔到我同Cherry又真係幾夾

果然係我女朋友

咁跟住之後其實都冇事發生

都係日日咁返學同補課

間唔中有時間嘅話就同Cherry一切出街行下拍下拖



我哋都盡量把拉時間

因為之後準備要DSE

可以一齊出街嘅時間會比變得越來越少

話咁快就已經去到結業禮

講就緊係結業

但係其實之後基本上每個禮拜都會返嚟補課

所以都無咩特別意義

不過諗返起之前幾年都會好愛心



因為結業禮象徵嘅係暑假嘅開始

跟住就會好期待可以日日去玩 

不過我哋而家已經準備升中六

所以我都明白唔可以再玩咁多

反正捱多一年

升大學之後大把嘢玩

入宿



Ocamp

上莊

到時分分鐘玩到唔想再玩

反正都係好短時間姐

半年多少少就搞掂

話咁快個暑假就已經過咗一半

個個禮拜都要補課嘅日子已經習慣晒

其實補課嘅環境仲好



因為基本上成間學校都係得我哋呢班中六

好似間學校係我哋咁

唔會有一班低Form係度跑嚟跑去

所以成間學校都好靜

可以令我哋好專心

同埋無人嘅學校又係另一種感覺

好舒服



同埋唔知係咪因為中六知道自己好快就唔會再返嚟嘅關係

所以望到學校嘅每一個位都會有好多回憶湧出黎

話咁快就已經中六喇

唉

老啦老啦

話說我最近發現Cherry同文哥班仆街唔知做咩咁

成日都鬼鬼鼠鼠

一係就有嘢瞞住我

一係就杯緊我

唔會係夫目前犯咁大鑊掛

但係見到佢哋成日都有交集咁

有啲唔開心咁囉

同埋宜家搵佢哋出嚟玩

成日都話唔得閒

咩藉口都出晒

乜嘢好似準備落雨要等收衫

明明個天就曬撚到仆街

再離譜啲嘅

要留喺屋企睇住個細嘅

屌你老母！！

屌你老母！！

你屋企得你一個

無啦啦邊度嚟多個細架

要自己照顧自己所以唔出得街？

唉

算

我當大家都要溫書唔得閒出嚟

咁我咪試下搵Cherry囉

點知佢又話屋企有事

即係到最後都係得返我一個

唔緊要啦都慣咗

其實我以前不嬲都係自己一個