《謝謝你愛我，但我更愛大麻》: 第一章
「我信與你繼續亂纏，難再有發展，但我想跟你亂纏.....」我部電話突然響起來電鈴聲。
呢下突如其來既鈴聲，將我由熟睡中嘈醒左。
我迷迷糊糊咁攞起部電話，按下接聽：「喂，邊個?」
屌...係邊個晨早流流打過嚟擾人清夢...？
「黎柏晞，夠鐘起身陪我去睇戲喇...快啲醒啦......」
聽到佢把聲，我就知佢係邊個了。佢係我其中一個fwb，小晴。小晴之前同過我表白，但我根本唔想同佢一齊，不過佢個樣睇落唔差，有幾分姿色，而我都會有性需要既時候，我恃住佢中意我，就氹左佢做我fwb。
本來以為又多個fwb可以玩下，無諗到，呢個係惡夢既開始......
我當小晴係fwb，佢以為我係佢條仔咁日日係度煩住我，就好似宜家咁，一大朝早叫我出去陪佢。
「睇咩呀？你自己去睇飽佢，唔好阻住我訓教。」我一邊打喊露一邊同佢講。
「你尋晚話陪我去睇架喎...你呃我？！」
「你叫我去睇我就去睇，咁我咪好冇臉...？」我開始有少少炆，俾佢嘈醒我都算，仲要煩住我。
小晴突然好嚴肅咁問我：「一句講哂，嚟定唔嚟?」
嘖...我唔想出就點都唔會出...。
「唔好再煩，我呢家訓覺喇，拜拜。」當我講完呢句準備收佢線果陣......
「你唔出既話就分手啦。」小晴出動埋大招，想用分手嚟逼我就範。
嘿...太天真喇......
我嘴角微微向上揚起，講出句神回覆：「分咪分，我地都冇一齊過，又點樣分手？」心諗你炮友咋，居然以為自己夠班做我條女，真係未訓醒。
講完之後我就秒速cut左線了。
雖然俾佢煩左陣，不過都搞到我精神到訓唔返.....
係了，唔記得講。我叫黎柏晞，18歲，身高大概係175左右，樣貌應該都談得上係中上。一般18歲既男仔，都會沉迷係拍拖到，而我就唔同，我係打死都唔會拍拖的。我由細到大都認為，做人應該放遠目光，呢個世界咁多靚女，只係同一個係埋一齊，實在太唔抵。
所以，我係同一時間會搵幾個無知少女嚟玩曖昧。
可能你地會覺得我好衰咁，係度做Playboy玩人地。但試諗下先，十幾歲呢啲年紀既愛情咁兒戲，邊會行得長架？又唔係要結婚，何必咁認真？加上我唔呃佢地，都會有大把仆街呃佢地架啦，咁不如俾我呃算啦。最起碼我又唔會害佢地既。
起身第一樣做既事，就係攞起電腦檯前既一支由我親手卷製而成既大麻嚟吸食。我擔住支草，打開電腦睇Telegram，一上線就留意到有個訊息傳嚟。
賞花杏仁露：「Hi，想問你攞8gram，送嚟葵涌村呀，天橋果度等。--10:12」
估唔到一起身就有生意做了。
其實我唔只有食大麻，仲順便拎少少嚟賣，當係賺下啲零用錢咁。啲大麻真係唔平，唔賺返少少點可以又唔返工都長期有大麻俾我食呀。如果有朋友請你地隊草，一定要講多謝，因為大麻真係好貴。
我扯多幾啖草之後，就去左刷牙同沖涼，果然一起身點返支草係可以提神。
沖完之後，我好仔細咁用風筒將我既髮型吹好，我既髮型係韓仔好興果啲厚瀏海髮型，我唔係特別中意呢種髮型，只係唔知剪咩頭好，見咁多人都係呢種頭，我先跟風留厚瀏海既髮型。
換左一套全黑既衫褲之後，我就攞左一包大麻出門。
我：「我出左門了，十五分鐘到。--10:48」
賞花杏仁露：「好，一陣見。--10:49」
呢個客人其實未幫襯過我，佢大概係透過Telegram裡面一個交流大麻既group到知道我有賣大麻，跟住就搵左我買。你可能會問，網上搵既客仔可能會係警犬放蛇，點解我會咁淡定直接送過去呢？
事關其實個群好多dealer賣大麻廣告，一直都冇人出事，所以根本裡面係冇警犬的，完全唔需要擔心啲毅進仔放蛇拉人既問題。
我係街邊截左一架的士，坐到上去就同司機講：「去葵涌村橋底。」
一路上我攞住部電話嚟覆Whatsapp，我Whatsapp既對象通常係女仔，同男仔Whatsapp既，再熟都係一句起兩句止。因為我掛住撩女仔，係冇女溝先搵啲損友嚟攝下時間。
去到葵涌村橋底，我俾左錢落車後，就係Telegram同個客講我到左。
我：「到左--11:09」
賞花杏仁露：「上嚟天橋。--11:09」
客嚟講，佢算係咁，居然會早到左。
當我上到天橋，我先發現原來「賞花杏仁露」係一個好可愛既女仔。佢留住一個空氣瀏海長髮，眼大大，談得上係靚女，睇落只有十六、七歲左右，估計應該係中學生嚟。
嘖...估唔到有學生妹會買大麻......
我將褲袋既大麻攞去佢面前：「呢度收你千二。」
跟住佢伸出嫰滑既右手接住我包大麻，左手將一千二百交俾我。
佢好似有少少緊張，低住頭好細聲咁講：「唔該哂你.....」
睇嚟係個怕醜既女仔，應該對自己冇咩自信。
「唔洗客氣，下次見啦，拜拜。」講完之後我擰轉頭準備走果陣......
「喂...唔好走住...可唔可以陪我食返支...？」
下...邊有人會叫個dealer陪佢隊草架...？我就問佢：「做咩事？」我只係想講，條友真係唔識架喎。
「其實我未食過呢啲野架...我想你教下我，陪我食下得唔得...？」佢仍然都係好緊張咁低住頭。
居然係叫我陪佢食大麻？同fd食就話啫，真係未試過俾客仔撩我食。但係睇見佢幾可愛份上，我就決定陪下佢，當係識個朋友都唔錯呀。
「還掂我都無咩做，陪下你啦。不過你要請我飲支野飲，得唔得先...？」嘿，我真係幾市儈下，要佢買支野飲俾我先陪佢。
個女仔佢開始無咁怕醜，望住我話：「好呀，我地去OK囉！」
「行啦，賞花杏仁露。」
「你叫邊個賞花杏仁露吖？我叫Zoe呀！」佢好似有啲激動咁踩左我一腳。
嘖...明明你自己Telegram個名就係咁......
「係係...咁你叫我呀晞...」真係麻煩......
「晞晞...晞晞...幾好聽呀......」
下...我個名邊忽好聽......？
買完野飲之後，我就叫Zoe帶我去佢屋企既後樓梯到享受大麻，我將佢包草整碎哂，放係煙紙上面，連同我卷好既濾嘴一齊卷。卷好一支完整既大麻，我地就並肩咁坐左係樓梯級，我將支大麻點著，深深咁吸左一啖，緩緩咁將仙氣吹到佢既瞼上：「到你試下。」
Zoe接左我支草之後，佢用力咁吸左一啖......
「咳...咳...」
睇嚟佢唔太適應吸大麻既口感，食左一啖就開始咳，我拎左支水遞俾佢：「飲啖水先，會舒服啲。」
佢攞左支水飲左幾啖，苦笑說：「哈哈...晞晞我好似好廢咁添...」
「唔係呀，好快就慣，唔會咳。」
我係Zoe手上攞返我支大麻，吸左兩口，噴出大量濃煙再傳返支大麻俾Zoe。未食過大麻又想試既人要留意一樣野，如果你地有機會同朋友分享大麻，記得食兩啖之後要傳俾人，呢個係規矩嚟。
Zoe再次吸起支大麻，慢慢咁佢開始習慣吸大麻既感覺，可以一口接一口咁食，我地互傳左支大麻幾次，支大麻就燒到冇哂，而我地亦都食到夠。
我攞左支煙出嚟吞雲吐霧：「你覺得點樣..？」
「係幾正既，我有少少感覺啦.....」Zoe兩邊瞼頰都發紅梗，睇嚟大麻既藥效開始揮發。
我明白同女人食完大麻之後，係佢有感覺果陣，係佢最冇防範心同最易心軟既時候。我知係呢種狀態佢係好難拒絕到人，要落手溝佢就趁宜家。於是我再問佢：「Zoe，你有冇覺得有種成個身都軟哂既感覺，好似好攰咁...？」
「有啊...我有少少暈暈地......」佢開始有少少呆滯。
「知唔知點樣會舒服啲...？」
Zoe傻笑住咁反問我：「嘻嘻...係點呀？」
無錯...就係......
「就係我借個膊頭俾你挨住。」我溫柔咁用手將佢個頭輕輕力咁挨過嚟我膊頭到。
「......」
「有冇舒服啲...？」
Zoe既頭髮散發住一陣糖果既香味，果然生得好睇既女仔身上既氣味都係好迷人。佢挨住我膊頭，甜笑住咁話：「晞晞...你平時都係咁樣撩女仔架...？」
我揚起嘴角：「唔係，我只係想撩你，我想講由頭先第一眼見到你開始，我已經當左你係我女神了。」
我知道女人最難抗拒就係甜言蜜語，想溝一個女仔，氹佢開心係必做既事嚟。再醒目既女人都會有抗拒唔到花言巧語既時候，更何況眼前既Zoe係咁天真，呢招一定有用。
「嘻...你係咪同個個女仔都係咁講架...？」
廢話。難道你以為你好特別，我先只會同你一個咁講......？我來也如風，去也如風，唔係你可以捉得緊既男人，又點會只溝你一個？當然我唔會咁答佢啦，因為我要溝佢嘛，我梗係講啲佢想聽既野俾佢啦。
我挨近佢個頭，輕笑左一下：「我只係會對住你一個咁講。不如你試下抬起頭望住我雙眼......？」
「係...？」Zoe面向住我想望我果陣，我同佢互望左一陣，我覺得有啲野要係我地對視果陣先可以傳遞到俾對方。我伸手開始係佢啲頭髮到打轉，慢慢咁我地越靠越近咁互望，我靠前輕吻佢。
好柔軟既嘴唇......
如我所料，佢並冇縮開到，而係閉上雙眼感受接吻既感覺。
幾秒後我將我個頭移開左，再湊近佢耳邊輕說一句：「信我。」
「嗯...我信你喇......」Zoe緊緊地將我攬住：「唔好呃我.....」
我愣左一下：「係...？」
「我信哂你架啦...你係咪唔會呃我...？」
頂，啲女人真係好麻煩......
「係，我唔會呃你，信我。」為左令我呢句野更可信，我講完就用力咁攬返佢。我用手掌輕輕咁撫摸佢個頭，一下接一下咁摸，就好似馴服小狗咁將佢馴服。
我淺笑說：「你試下打開你隻手俾我睇下。」
「好...」Zoe攤開左佢纖細既手掌俾我睇，我伸手將我同佢十指緊扣住：「你...已經飛唔出我既五指山了。」
值得一提既係，佢隻手真係好暖好滑......
Zoe笑說：「咁我唔走架喇！」
「我既五指山可以留住你五百年。你呢世都唔洗諗住走得甩。」
「哼，你把口咁識講野，肯定撩到唔少女啦。」佢挨住我膊頭，撓住我粗壯既手臂。果然女人係好麻煩，不過我知你想聽咩既，就講你想聽既野你知。
我再次錫左佢一啖，然後話：「呢啲都係我既真心話，唔係咩撩女仔既招式嚟。」
「聽住先啦...」Zoe係我煙盒攞左一支煙出嚟，點起左嚟食。睇佢既手勢幾生疏，似乎唔係食開煙既人嚟。佢試左幾啖就話：「原來煙既味道係咁既。」
無幾耐，Zoe就遞返支煙俾我：「都係你食埋佢啦。」
我接住佢支煙，一邊食一邊思考，Zoe似乎本來係一個唔煙唔酒既乖女，大概今日係佢第一次食煙同大麻。估計佢平時係老師眼中既好學生嚟。
有種感覺...我好似教壞左一隻純真既小綿羊咁......