那一天我成為了練習男友: 【XV】月的童年

「我個女平時男仔朋友都唔多個，淨係識痴我，而家無啦啦就多咗個男朋友，搞到我有啲喜出望外添。」

屌你一嚟就講呢啲你叫我點接落去啊師父，我都係啱啱識佢架咋。

好彩佢完全冇要停嘅意思，繼續自己一輪嘴咁講落去。

「佢細個嗰陣同而家好吾同...以前嘅佢曾經好內向，淨係會痴住媽媽，但係...」

～～～



阿月的童年。

爸爸的視覺

曾經，有個小女孩。

「對吾住啊寶貝女，我哋又要出去做嘢啦，今年生日同唔到你過啦...」我對住我嘅寶貝女講。

「唔制呀唔制呀！」



「乖，我哋過幾日就返嚟架啦，我哋會買好大好大份嘅禮物俾你架。」

「嗚嗚嗚...」

「我哋出去啦，阿雪記住照顧好佢呀！」媽媽說。

「知道啦太太。」

「我要爸爸媽媽陪我呀...」



「乖啦小姐吾好喊啦，佢哋過幾日就會返嚟架啦。」阿雪安慰道。

阿月由細到大都係咁樣生活，差吾多隔兩個禮拜先會見到父母幾日。

然後有一日...

「爸爸你返來啦？」

爸爸並無講啲咩，淨係話：「係呀，我返黎啦。」

「媽媽呢？」

「佢...佢去咗一個好遠嘅地方，可能近期都見吾到佢架啦...」

「唔制呀，我想見到媽媽呀，可吾可以帶我去見佢呀。」



「近期都唔得呀，或者等你大個啲先再去見佢啦好無？」

「好啦...」

可惜，紙永遠都係包唔住火，終有一日都係要面對呢個現實。

三年後，事實始終會水落石出。

「你媽媽就係呢度...長眠緊。」

我帶著我嘅寶貝女呢度佢媽媽嘅墓碑前面。

我輕輕地撫摸著相片中她的面龐。



「佢會係上天保佑你架，佢會一直都係你嘅身邊，寶貝女...」

「媽媽...」

¬¬¬

「佢自從無咗媽媽之後，我係度嘅時候都會好痴我架，估吾到原來係不經不覺之間，阿月到已經咁大個女啦，多咗好多朋友，但估唔到已經有埋個男朋友仔添，你要對佢好啲知吾知呀。」

「當然啦uncle，我對阿月係好認真架！」Jesus...

「如果你講大話，後果自己諗啦。」佢語重深長咁拍一拍我膊頭。

我開始懷疑自己會唔會比天收。

「你哋係度講咩呀？」阿月已經換好衫出嚟。



「冇嘢呀，同uncle講下我哋嘅未來咋嘛。」反正都已經洗濕咗個頭，都唔差在繼續花式自殺啦。

「有意思，有意思，交個女比你實唔會有問題，以後阿月就靠你架啦。」

「roger」

「你兩個有冇問過我架？」阿月嘟起個嘴，嬲爆爆咁望住我哋兩個癲佬。

呢個咁可愛嘅樣，加埋條真理褲，簡直係絕配嚟。

我哋就咁樣大鬧咗一番，回過頭來已經唔早。

「我要走啦，屋企等緊我開飯，拜拜uncle。」



「小心啲啦阿仔。」

阿仔...

「知道。」

阿月幫我開門。

「拜拜啦親愛的。」然後我再細細聲係阿月耳邊講：「今日單嘢，你最好俾個合理解釋我。」

「好...拜拜。」

今日真係好攰好攰，又要周圍去，又要應付uncle以免穿煲，想快啲返屋企瞓個靚覺。

仲要行十分鐘先返到屋企，真係灰。

「媽，我返黎啦。」

「乜你今日晏晝冇上堂咩，學校打電話嚟話你病咗喎。」

「我個friend食嘢果陣吾舒服呀，所以...所以我送咗佢返屋企咁囉。」

「邊個friend呀？」

「咪阿基囉，嚟嚟去去都係呢個friend架啦。」

「乜係咩？」

我媽攞咗佢部電話出嚟，打開咗一張相。

係我同阿月去食嘢果陣俾人影到嘅。

「係基仔send比我架，好從實招來啦衰仔！」

於是又要呃埋我嘅母親大人，話佢係我真嘅女朋友。

真係含晒。

「咁個晚你都係去呢個女仔屋企瞓覺？」

「係呀。」我無奈地回應。

「阿媽我唔會阻止你拍拖嘅放心啦，但你要認真對待人哋呀知嗎？」

「知道啦。」

「同埋記住做作啲安全措施呀～」

「我同佢一齊咗幾日咋講呢啲。」

「但你都去咗人哋屋企訓啦。」

......

算我收皮，點講都係我講大話唔啱。

總之今日成日都係一個多災多難嘅日子啦，雖然都叫做有啲收穫。

至少我更加深入咁瞭解到阿月先。

越堅強嘅人...其實內裡越脆弱。