那一天我成為了練習男友: 【XVI】早會

「我吾想返學呀！！！」

一起身我就係度大叫，因為真係攰到我仆街。

想賺錢又想辭職，心情非常忐忑。

與其話兼職，其實更似一場鬧劇。

打開電話。



媽：「我今日返早出去先，廚房有麵包。」

都冇乜心情食，直接出去算啦。

懷疑俾人縱壞咗，今日我又係搭車返學，荒廢咗我兄弟係屋企。

一返到學就見到阿月。

「早晨呀親。」阿月對我講。



「早晨。」

一返到埋位已經係爬低想繼續訓。

但首先要搞清楚啲嘢先。

「尋日單嘢有咩好解釋？」

「er...」



「吾好諗住可以hea我，你hea我我辭職架啦。」

「咁又唔好咁衝動，其實只係我嘅一意孤行嚟架姐。」佢深深咁吸咗一口氣繼續講：「事緣我老豆話我係之前間學校無朋友點會識到男朋友，叫我好好咁交際下唔好成日自己一個自閉，咁我咪一怒之下諗到呢個大計，轉考識朋友，然後搵男朋友大下佢囉，就係咁咋嘛哈哈哈...」

咁假嘅，是但啦。

「你喜啦，都算合理嘅。」

應該係有錢人的思維零舍唔同啫。

「喂早晨呀希神。」

仲唔比我等到你個罪魁禍首？

我箭步向前，一手巨龍龍爪手抓落阿基私處，務求令佢生不如死。



「呀...搞咩咁毒呀...」

「你條數我有排同你計，你唔請我食壽司郎都唔使旨意我原諒你。」

「知道啦神爺...」阿基一路奄住私處一路講。

解開謎團，發洩怨氣，今日嘅使命已經完成，可以係咁先，準備訓覺。

「咚咚咚咚。」

係全校做廣播時發出嘅聲響。

「各位早晨，現通知所有嘅學生今日會有額外嘅早會，請大家十分鐘後到禮堂集合。」



「咚咚咚咚」

我近排究竟係可以有幾黑仔，硬係覺得諸事不順咁。

連瞓覺嘅metime都俾人剝奪埋，真心灰。

「凌希神係吾係度？」

阿一突然鏟咗入嚟我班房搵我，吾係又有嘢比佢捉掛。

「唔係到。」我好大聲咁回應佢嘅呼喚。

「你係度就啱啦，啱啱收到老師嘅傳話，話要搵你上台發表下意見喎。」

「下？」



「下乜呀行啦再唔行我就俾人照肺嫁喇。」

究竟又點呀。

我渾渾噩噩咁跟住咗阿一出去。

「你知吾知陣間搞乜？」

「我淨係知好似好神秘咁，因為平時早會我哋尼啲head應該係會知道內容，但今日呢個突發嘅係基本上無人知要做咩。」

「咁照計唔關我事先係架。」

「但校長落咗order話要準時帶你過去，如果吾係就記我哋兩個一個大嘅違規喎。」



「咁癲。」

「你自己睇住自己啦，平時啲言行舉止都已經吾正常，你上到台吾好亂嚟添呀，救你唔到架。」

「收皮啦傻一，使你教？」

「我認真架。」

「得啦得啦，長氣鬼。」

估吾到傻一原來咁好人，竟然會關心我呢啲咁唔守規矩

除咗死板啲之外都幾好呀，終於見到prefect入面有正常人。

以後少啲同佢作對先得。

「你終於到喇？」

係後台等候我嘅係我嘅班主任Miss Li。

「究竟係咩事要我呢啲係學校冇地位嘅人上台講嘢。」

「我只可以話，你自己睇定啲，我幫唔到你。」

「下？」

「總之自己小心啲。」

wtf，個個都講到咁恐怖嘅。

「請大家以熱烈嘅掌聲歡迎凌希神同學上台。」

「啪啪啪！」

「行啦仲企係度做咩？」

「好。」

讀咗咁耐書，真係第一次咁樣比全校望住，好尷尬。

「其實，我上嚟究竟係做啲咩架？」

全場靜咗...

仆街應該講錯嘢。

「所以話你鄉下仔真係冇錯。」突然有條友攞起咗支咪講嘢。

把聲咁黑人憎嘅，仲要有啲熟。

「凌希神，無見你一日做咩個樣殘咗咁多呀，生意失敗呀？都似㗎啦，你咁窮。」