初次愛上: Nice to meet You

開學第一日，作為band3學生，遲到好正常，遲咗10分鐘，被屌1個鐘，唉，仲要入錯班房，柒到仆街。




終於入到班房，我係A班，精英班（我都唔知點解自己可以入到），入到去成班望L住我，好彩miss叫我去坐低，如果唔係，我同佢哋可以對望到聽日。






我坐係個男仔隔離，吹咗兩三句水，幾nice。
之後就到英文堂，一個勁大隻咗阿sir入嚟，話自己係我哋班嘅英文老師，9講咗好多野，我去咗洗手間食煙，之後過咗一陣，我等煙味過咗先返課室。




一入到課室，見到啲位換晒，男女男女咁坐，我望左陣，先見到自己個位，啊sir問我點解咁晏返，我話我肚痛。呢個時候，我見到我鄰座有個女仔書包，但係人又唔係度，我諗應該去咗下一層嘅廁所，因為呢層女廁清潔緊。






過咗陣，一個高高地，長頭髮，好靚嘅女仔入咗嚟，佢慢慢行去我隔離，我嘅心情，開心過中六合彩，呢個時候，老師叫我哋認識下鄰座同學，我諗唔到講咩好，佢好溫柔咁講，nice to meet you,我叫天恩。我答咗佢nice yo meet you too!我叫啊軒。