初次愛上: 鏡子

由於淨係英文堂先可以調位，所以我哋講得好嘢，根本上淨係講咗3-4句，大家依然非常陌生。



過咗兩個星期，我開始同班上面嘅人friend,我見到佢到開始有朋友，係開心嘅，我同佢開始會上堂嘅時候一齊傾計，大家嘅話題愈黎愈多，大家開始熟。




到咗選班上嘅職位，佢叫我選班長，我心諗，如果我食煙畀人睇到點算？所以我話，唔好啦，我怕醜，跟住佢話，如果我選，你會唔會一齊選？我諗咗一下，我話你選左再算，佢真係選咗，咁我就話，下次先，佢畀咗個反白眼畀我。






之後嘅每一日，我都係負負66咁過，小測啱啱好合格，功課問人抄，上堂食完煙又訓，每日就係咁過，我同天恩既關係一日比一日好。



到咗第一次考試，我好大膽咁約天恩出嚟溫書，佢話好呀！有咗佢幫我溫書，我啲成績好咗少少，但係同佢仲係差好遠。







考完試，就係調位，我好巧合咁同天恩坐窗邊，每日望住佢認真上堂嘅背影，令到我都開始聽書。