話咁快就聖誕節,學校整咗一連串嘅活動,又演唱會,又旅行,我對呢啲完全無興趣,所以我逃咗一日課,話自己病咗所以唔返學。



呢日大家係唔同嘅社交媒體上發佈好多相,我望咗天恩嘅instagram,佢都唔例外,post咗好多相,好似好開心,我見到佢咁我都好滿足。




第二日係旅行,我哋去長洲玩,今次佢問我,幫我影下相好冇?我幫佢影咗幾張,之後我就一路跟住佢,一男一女去張保仔洞。





嗰度好細,佢好輕鬆就入到去,我花咗啲時間先入到去,由於佢驚黑,所以我行頭,行行下,佢仆咗落地下,我又冇膠布,佢痛到行唔到,我問佢,得唔得呀?佢話,唔係好得。我話,如果你唔介意嘅話,我可以咩你嘅。佢細細聲話唔該晒。




出返去有啲救護站,佢喺嗰度休息咗陣,貼咗塊膠布之後就走咗,我係個日就再冇見到佢。
已有 0 人追稿