初次愛上: Lost

到咗二月初,距離返學嘅日子越嚟越近,我嘅心情都越嚟越複雜,到底我要點樣面對佢,眨吓眼,又到返學嘅日子。




我唔夠膽入班房,拖時間拖左10幾分鐘,但係我明白咁樣唔係方法,我入咗去班房,見到佢坐住喺我隔離,專心緊做緊功課,好似冇乜嘢,我坐到埋位,佢就拉開左張枱,我以為佢想同我分開坐，好彩佢係擺啲嘢，我問咗佢一句，咁我哋係唔係朋友？佢話：點解唔係？跟住佢笑左我一陣，佢話：或者係我對男女關係太敏感掛，因為我小學冇乜朋友，所以人際關係唔係太好。雖然佢咁樣講，但係我都覺得，我哋嘅關係又變返零。



係第二日，出邊好大雨，行雷閃電，偏偏喺八點嘅時候先掛8號風球，我都唔明，春天點解會有風球。係呢一日，我哋可以選擇自行放學，或者喺課室度玩一日，天恩佢揀自行放學，但係出到去先發現啲車停晒，呢個時候，我返緊屋企，天恩佢冇地方去，佢WhatsApp搵我，佢問：有冇方法出到去九龍，我答佢：或者我嗰邊有架小巴未停。佢話：你可唔可以帶我去，我就喺學校門口。我答佢好啊，我見到佢成身濕晒，本身打算問佢，上唔上住我屋企先？







但係後尾諗，男女好似唔係太好。之後去到小巴站，班車啱啱走咗，亦都係最後一班。咁佢而家冇地方去，我問咗佢一句，上唔上我屋企唞吓先，而家咁樣你都冇地方去？佢話：好似唔係太好喎，我話，你唔介意就得。佢答返我，咁行啦。到咗屋企，我見到佢喺度做功課，我緊張到唔知做咩好，我就去咗整嘢食先，整完嘢食，見到佢瞓着咗係張梳發度，或者佢有少少感冒，我幫佢凹咗件衫，跟住俾佢喺度瞓，過咗幾個鐘之後，雨停左，交通陸陸續續恢復正常，佢都醒咗，佢話，時間都唔早，我要走啦。我帶佢落去小巴站。






出門口之前，佢噴左香水，跟住......錫左我一啖，跟住話拖住我隻手落小巴站，我全程緊張到唔夠膽講嘢，佢上小巴嘅時候，佢小巴上面講咗句嘢，我聽唔到，跟住佢就走左。