初次愛上: Start?

送完佢走之後，我成日興奮度瞓唔着覺，到咗第二日，我返到學校，好遲都見唔到佢，我擔心左一陣，原來係塞車，所以先遲咗返。




佢問咗我一句：你係咪鍾意我？我好大聲咁答：係！佢話：其實我都鍾意你，不過係唔知點開口。係呢一刻，我個心甜到爆炸，生活上任何苦惱嘅東西好似忘記晒，係一片大草原奔跑緊，呢個時候佢突然講咗句，不如我哋拍拖？







正式開始，同佢拍拖嘅第一日，班上面有好多人都知道左，有一個女仔搵咗我，同我講咗啲嘢，佢話，你聖誕節無返學嗰日，佢成日都好唔開心，係影相嘅時候先喺度假笑，佢已讀不回你，係佢唔知點樣面對你，呢啲說話係佢同我講。就咁就放咗學，我喺學校門口等佢。





佢過咗一陣就出咗，我哋去咗間餐廳度食嘢，望住佢個樣，真係覺得好不可思議，我居然同我鍾意嘅人一齊緊。就咁樣，我哋每日放學嘅活動都好精彩，我同佢嘅關係越嚟越好，一切睇落係好正常。