學渣與學霸的邂逅: 一.

「如我知錯，可否乃念最初~」，我叫阿矢我同平時一樣聴住歌返學，我諗好似我呢啲A0仔都唔會有女仔好似歌詞入面咁管我架啦。


「喂!傻仔，你上年考試考得咁垃圾都升都班，真係夠晒-6呀。」

呢個煩人就係我好兄弟阿生。

「大佬，我都知我上年考得垃圾，就係咁先大鑊呀，我收到風今年文科班班主任係林sir呀，我聽D師兄講過林sir喺學校惡晒架。」
「哈!咁你死硬啦，做定心理準備由F.4開始留足三年堂啦，陰公豬囉。」
「頂你呀!做人唔好咁串好喎。」



返到學校證實咗真係林sir做我班主任。


「Shit!真係林sir做我班主任，一入課室就見到林sir用嚴厲的眼神啤住我。」
「我幫你哋分好坐位啦，跟返坐位表坐。」



痴線架一開學就整好份坐位表，呢啲嘢唔係開學後一星期先做架咩。


「哦，好呀。」


嘩!頂你呀，坐老師枱前面，咁咪無得瞓覺，右邊就係個傘架，只能夠希望坐我左邊嗰個係女啦。試問有邊個唔想隔離係女神呀。

咦，個女仔幾靚喎，搞錯唔係。喂，坐我隔離條友遲到喎，咁都唔方係啲咩好學生啦。

「唔好意思呀，我遲到。」
「搞錯呀，開學第一日遲到!」
 



條女都勁喎第一日就遲到，但係佢睇落去唔多似壞學生喎。


 咦，佢過緊嚟喎，竟然係佢坐我隔離。

佢望咗我一眼之後即刻望返前面，避開我嘅眼神。

第一日都係派吓通吿咁，但係佢好似無咩朋友同佢傾偈嘅

 

「勁悶囉，但係居然係女仔坐你隔離，條女又唔差，勁眼紅囉」

「阿生，説話就唔係咁講啦，係人都知我嘅目標係溝校花啦。」



「你今晚咪溝到囉…發夢嗰陣。」

「睇吓邊個笑到最後。」



雖然講係咁係講，但係我都唔識校花，咁點溝啊。

「話時話who is 校花。」
「頂你咩，校花咪係……學校好似無校花架喎」


阿生用鄙視嘅眼神望住我



「哦~咁你去溝空氣啦。」