學渣與學霸的邂逅: 二.

唉~想當年有個算命佬同我講你成個中學生涯都出唔到pool，所以我成個中學的目標就係要出pool，我唔係要證明我有幾威，而係要話比人聴我唔見咗嘅囉野我自己可以攞得返!(mark 哥通) 當然其實我覺得中學生拍拖可以捱到結婚係一件好浪漫嘅事啦。 
日子一日一日咁過，我同嗰個女仔都無傾過偈，但係原來佢同我都係讀中史，同埋原來佢個做晴子。 
「喂，陣間中史堂教咩呀?」
「你…你問我?」
「除咗你仲有邊個呢，小姐。」
「唔好意思呀，陣間好似係教……唔好意思呀，我咁講無惡意，但係今日無中史堂喎。」
「 I know 。」
「吓…」
「無呀，開咗學一個月都無點同你講過嘢，咪撩吓你囉。」



 最怕空氣突然安靜~

「同埋你唔使成日講唔好意思架。」
「真係唔好意思呀。」
「…無嘢啦…」
佢唔識聽人話?
「我想知點解你平時無同人傾偈嘅。」
她刻意避開我嘅眼神
「可能係我唔識同人溝通啦，但係我都唔介意。」
「唔係呀，你而家都可以同我傾偈。」


她尷尬地望着我，完全無留任何話口比我，我都放棄繼續撩她説話  



「阿生，你話點樣先可以有多啲朋友呢?」
「吓，你有我仲唔夠咩。」
「sorry，I’m not gay 。」
「講笑啫。」但係其實我覺得阿生唔似講笑
「但係你仲咩咁問架嘅?」
「其實係晴子。」


「哦~坐你隔離嗰個，但係關佢咩事呢?」
「唔係呀，原來佢無朋友架。」
「咁關你咩事呢，唔通你…」
「你唔好諗多咗啦，我係覺得佢好慘啫。」
「咁你做佢朋友囉。」
「但係唔係女仔做佢朋友好啲咩。」
「你諗你啦，but 如果你想佢有多啲朋友可以叫佢主動同人講嘢囉。」
「阿婷!」我突然大叫
「jm9 呀 掛住阿婷?」
阿婷係我哋班嘅班長，佢為人友善，受歡迎，多朋友……
「我覺得可以揾佢幫忙。」
「咁呢啲重任就交比我啦。」阿生突然同我講
「咁交比你啦。」   當係個機會阿生識女仔 
自己和別人較重視那樣，可惜在我的世界並沒有自己




「喂，咖啡小子。」 
我背後響起了一把女聲
當我回頭一看，原來是阿婷
「你做咩叫我咖啡小子呀? 我個名係樊辛矢呀。如果你覺得太難讀可以叫我阿矢，但係唔好叫我咖啡小子。」
「點解呀，咖啡小子呢個名咁得意。」她疑惑地看着我
「其實係邊個同你講我有呢個名架?」
「咪阿生囉。」 
果然係佢
「咁你知唔知點解我會有呢個名呀。」
「因為鍾意咖啡?」
「呢個其一啦，同埋我以前試過因為無飲咖啡然後上堂嗰陣暈咗，跟住就比人改咗呢名。」

而家記起都覺得好白癡，居然會因為無飲咖啡所以暈倒



「吓，咩你咁廢架。」
唔好意思唔記得講，阿婷份人勁直接
「你咁講超hurt囉。唔係喎，你揾我做咩呀。」
雖然我估到佢揾我做咩，但係我循例都要扮唔知嘅
「無~阿生同我講咗啦。」 估唔到阿生又幾幫到手喎
「你想追晴子呀嘛。」
WTF 究竟阿生同婷講咗啲咩
「我唔係想追晴子呀，我係想幫晴子揾朋友咋。」

「吓，係咩，但係阿生明明唔係咁同我講架喎，唔通阿生呃我。」 果然阿生都係靠唔住
「算啦，你咁為晴子着想，應該都有啲嘢嘅。」
我feel到如果唔快啲入正題，佢會一直纏繞係感情呢個話題
「你想點諗咪點諗囉，但係不如我哋入正題呀，我哋可以點幫晴子呀。」
「咁你知唔知下星期四係咩日子呀。」
「下星期四咪係學校旅行……呀!係喎。」



我終於到如夢初醒~

「只要我哋同晴子一組，就可以乘機同晴子做朋友，然後自自然然晴子就同我哋嘅朋友做朋友。」
「我驚係阿生乘機溝你咋。」我勁細聲講
「你講咩呀?係男人講嘢就大聲啦唔該。」  
「無嘢，覺得個計劃幾好啫。」
「好啦，咁你記得邀請晴子啦。」
「吓，我去?」
「of course 啦，唔係以後唔幫你架。」
咁即係威脅啫 「咁好啦…」 



她推了我一把，而目的地是天堂還是地獄?