遇到了: 2

2.阿欣

發現仲未介紹過自己，我叫陳樂賢，花名就個個人都會有，多數都係唔知點黎，然後其他人就跟住叫，不過我個花名大家一聽就知點解，唔講咁多啦，睇到就知咩事。

當我正在馬路旁等候紅綠燈時，卻突然兩眼一黑，如果係第一次遇到這情況時或許會有點驚訝，不過對我來說就不是問題，因為這已經不知道是多少次。

「喂腎仔，早晨呀！」一把清脆的聲音從我身後傳來。

「第幾次呀，死肥欣你成日咁玩唔厭架咩？」我一邊把她掩著我雙眼的手移開，一邊轉身問道。





「唔會厭喎～同埋今日咩日子呀？你仲敢咁樣叫我！」我看著眼前這個女子，她那帶點嬰兒胖的面上因激動染上了少許紅暈，加上一對水靈的大眼，令我近乎忍不住想在她面上親一下。當然我只是想象一下，也不敢這樣做，不過我想著的同時正呆了地望著她。

「望夠未呀？」

「緊係未啦，壽星女今日咁靚女，望成日都未夠啦！」

「嗤，成日口花花，都唔知係咪真係咁諗。」她話雖如此，卻沒有掩飾她的笑容。

「我幾時呃過你啫，你係我地級花黎喎～」雖然我語氣有點誇張，不過以阿欣的外貌又的確配得上級花這稱呼，我和男生們談起誰最漂亮時，幾乎到最後都是由阿欣和另一個女生兩人中間討論，當然我是堅定支持阿欣的一派。





「嘻嘻～肯定見我生日把口先咁好。喂，轉燈啦，快啲行啦。」說罷後我便跟她肩並肩地走向學校，能跟喜歡的女生一起上學，任誰也會走得慢些，就是為了可以與她相處多一會，當然我也不例外。

然後我就在回校的一刻付出代價，我看著牆上掛鐘的時針停在八時十一分，正好遲了回校時間一分鐘。

「頭先你做咩唔講就黎遲到，唔提我行快啲，今年真係臨尾香啦...」我苦笑著向阿欣投訴。

「我想講架，不過見你行得咁慢，仲以為你唔想咁早返到學校先唔出聲咋。唔緊要啦，我都陪你一齊遲到喎，同埋都就放暑假，下年遲到條數又重新計過。」

我們學校對遲到的處理是滿了十次就要即日留堂，每一年都重置一次，原本今年我已經遲到了九次，所以今早才要趕著回來，不過卻因遇上了阿欣才忘了這一回事，同時又想起今早問我借火機那女生，要不是她我也不會遲到，卻忽視了我是為了阿欣才會走得這樣慢。





「問題係要留堂浪費成個鐘時間，冇得準時放學，仲諗住今日放學返屋企執靚自己先同你出去，依加分分鐘趕唔切啦。」沒錯，其實我一早就約好了今晚和阿欣慶祝生日。

可能有人認為女生在生日願意和你一起過，那麼她是對你也有意思，不過暗戀別人時的男生總是不自信，那怕再多的暗示也會認為是自己想多了。

「你同我出街食飯會咁好咩，咪又係求其著套衫就出黎。不過睇在你講得咁認真，最多我放學等埋你先走啦。」

「嗱，係你講架，咁放學你唔好走左去呀。」

「知啦，長氣鬼～」

於是約好後我們各自回到班別的隊伍上，開始今年已是倒數幾天的課堂。