遇到了: 3

3.慶生


開始上課的時間總是過得特別慢，雖然放假之的堂多數不會教書，只係派下卷，同我們講下下年選修科的事。但對我來說都只是睡眠時間而已，當我伏在桌上打算入睡時，卻被坐我隔壁的阿豪叫住。

「喂，你條女今日生日喎，你約左佢未？」

「咩我條女呀，都仲未係。不過約就約好左，今晚唔同你打機啦。」我口中在否認同時心裡卻在暗爽，其實每個男生聽到別人說自已與喜歡對象的傳聞時那怕裝得再不在意，心底還是會高興，又會想要是女生聽到又會怎樣想？

「你都就黎得米啦，睇下講起阿欣果陣你個樣笑得幾衰。」





「屌，自己人知好啦，唔好唱出去。係喎，等陣食飯你自己搞掂，唔好阻住阿叔去同女食蛋糕。」

「得啦。係喎，講開又講，下年升中四揀左咩科，你唔會為左同人一齊上堂揀埋啲濕鳩科黎讀掛？」

「咁你放心，我性格你唔知咩，為左溝女辛苦自己三年依啲野我做唔出。溝到都算，溝唔到咪要尷尬三年。」其實當日最後決定選科的時候我的確有想過跟著阿欣去選旅款和視藝。不過最後我還是選擇了自己更有興趣的地理及文學。我也當時不知道這決定將改變了我接下來的日子。

在睡眠中時間很快去到中午，我趁著午息開始了班上的人大部分都離開時走到阿欣所在的班房裡。剛進去時阿欣的數位朋友已經把蛋糕放好在桌上。

「你終於過黎，等緊你個火機點蠟燭許願呀！」





說話的是阿欣其中一個朋友，名就唔講，反正冇咩戲份，順便一提我幾唔鐘意佢，份人又八婆又煩，叫佢做朋友a先。在場嘅仲有阿欣另一個朋友，就用埋朋友b黎稱呼。

我快步走向阿欣的面前，她也因我的到來停下動作，直直地望著我。

「生日快樂喎，又大一歲啦你。」我笑著對阿欣說。

「鍾唔鍾意個蛋糕，我地專登揀㗎。」我期待地問她，希望從她口中得到一個想要的答案，同時伸手入褲袋尋找將要用到的火機。

「鍾意呀，你又知我鍾意食朱古力蛋糕嘅？」阿欣帶著興奮回答我。





「你同我講過嘛，點會唔記得。」我用愈來愈焦急的語氣說出這句話，因為我發現到原應在袋中的火機變成了另一樣東西。我藉著桌子的遮掩，把口袋中的東西提出，僅僅取出一半，我的心情就墜下去了。手掌中的東西是個長方形狀的唇膏，透明的瓶蓋能看到明顯用過的痕跡。儘管它外形確實與我的火機有幾分相似，但改變不了我目前沒有火機可用的事實。

「仆街，點解火機可以變左做唇膏？唔撚係今朝條女比錯我呀？係喎，佢好似叫過我，唔通就係想講依件事？屌佢好心就追上黎同我講啦！」這些是我的想法，想了很多，現實卻過了不到半秒。

「哎呀，原來我出門口唔記得帶火機，sorry呀阿欣......」我用內疚的語氣掩飾我的謊話，因為阿欣有跟我說過她從小到大也十分重視生日蛋糕的計願機會，她說每年許下的願望總是能實現，從未失靈。因此我更不敢說出火機是因別人而掉失，更不敢說是因另一個女生，我只好說是我自己忘了。

「有冇搞錯呀，咁重要嘅野都唔記得帶，真係服左你。」朋友a質疑地問我。

「唔緊要啦，好小事啫。食蛋糕啦我地，擺左好耐啦。」阿欣用一貫開朗的聲線說出，我不知是我的錯覺還是事實，我聽出她話中帶上點點失落。

隨著最後一塊蛋糕放到口中，午息時間亦剛好完結，我在離開班房時，轉過頭面向她，用口形作出一句—— 晏啲見。她以那看不厭的笑容回答我。













你知唔知我想許咩願？