我嘅靈魂困咗喺架巴士入面: 序

JE1672 (3ASV3) 係九巴旗下嘅一架富豪超級奧林比安巴士，喺1999年8月出牌。呢架巴士服役期間曾經喺九巴四廠遊走，臨近退役時被調去荔枝角廠渡過餘生。喺巴士調去茘廠前，呢架車曾經遇上交通意外。雖然架車只係輕微損毀，但係意外入面有一位少年不幸喪生。架車修復完之後好快就被調去茘廠，但嗰位少年嘅靈魂因為一啲不明原因而被困喺呢架巴士入邊，同JE1672一齊共同進退，為呢架巴士帶嚟光輝嘅晚年。