我嘅靈魂困咗喺架巴士入面: 前傳 - 1

大家好！我叫Jason，喺某大學讀緊year3，係一個巴士迷。識我嘅人都話我係一個不折不扣嘅巴膠，不過我通常都由得佢哋，都係一個花名啫。

我有一個死黨兼兄弟，佢叫Alex，同我一樣都係巴士迷，我哋由小一開始就識。雖然依家唔喺同一間大學入面讀緊，可能因為大家都係巴士迷啦，我哋到而家都仲係非常friend，亦都成日約埋一齊去遊車河，差唔多全港都俾我哋遊晒啦。佢仲成日同我講第日一定要入九巴做巴士司機，仲叫我同佢一齊入埋去做，一齊拍住上！所以我哋一早已經考咗車牌㗎啦，等到一夠歲數就去考巴士牌啦！

做得一個巴士迷，我哋當然都有各自嘅愛車啦！
我嘅愛車就係九巴3ASV3（JE1672) ，一架富豪超級奧林比安12米嘅樣辨巴士，配上亞歷山大ALX500車身同埋膠牌路線牌箱，簡直係完美無瑕！唔知點解我由細個開始已經好鍾意超富（富豪超級奧林比安），覺得呢款車好靚，無論新車舊車都比唔上佢。

至於Alex，佢同我一樣都係咁鍾意超富，亦都係鍾意配上膠牌路線牌箱嘅超富。但係佢嘅愛車並唔係JE1672，而係3ASV60 (JH4035)，JH4035喺九巴第一批超富入面排尾二，可能因為Alex以前住喺觀塘，成日都搭到隸屬九龍灣車廠嘅JH4035掛！

廣告時間：快啲fol我IG啦




stitch_stitch_driver